Lánamál ríkisins - Fyrirtækjafréttir

Útboð ríkisbréfa RIKB 11 0722 og RIKB 25 0612

Föstudaginn 5. febrúar kl. 14:00 fer fram útboð í tveimur flokkum ríkisbréfa
með tilboðsfyrirkomulagi hjá Lánamálum ríkisins. 

Í þessu útboði verða seld bréf í RIKB 11 0722 og RIKB 25 0612.  Heildarfjárhæð
samþykktra tilboða verður tilkynnt að loknu útboði. 

Lánamál ríkisins áskilur sér rétt f.h. ríkissjóðs til að samþykkja öll tilboð
sem berast, hluta eða hafna þeim öllum.  Einungis aðalmiðlurum ríkisskuldabréfa
er heimilt að gera tilboð í útboðinu en þeir annast einnig tilboðsgerð fyrir
fjárfesta. Lágmark hvers tilboðs er ein milljón króna að nafnvirði. 

Útboðinu verður þannig háttað að öll samþykkt tilboð bjóðast aðalmiðlurum á
sama verði. Lægsta samþykkta verð (hæsta ávöxtunarkrafa) ræður söluverðinu. Að
öðru leyti er vísað í útboðsskilmála sem fylgja þessari frétt. 

Greiðslu- og uppgjörsdagur er miðvikudaginn 10. febrúar 2010.

Í þessu útboði óskar Lánamál ríkisins eftir kauptilboðum í eftirfarandi flokka
ríkisverðbréfa: 

Flokkur		Lokagjalddagi	Útistandandi fjárhæð*	Lánstími
RIKB 11 0722	22.07.2011	8.922 m.kr.		1,5 ár
RIKB 25 0612	12.6.2025	65.525 m.kr.		15,4 ár
*að nafnverði

Eftir að niðurstöður útboðs ríkisbréfa liggja fyrir munu Lánamál ríkisins bjóða
jafnvirði 10%, reiknuð af nafnverði þess sem selt var í útboðinu, til
aðalmiðlara á söluverði samþykktra tilboða allt til kl. 14:00 þriðjudaginn 9.
febrúar  Hver aðalmiðlari sem á samþykkt tilboð í undangengnu útboði öðlast
kauprétt í hlutfalli af keyptu magni. Greiðslu- og uppgjörsdagur fyrir þessi
viðskipti er 10. febrúar 2010. 

Nánari upplýsingar veitir Oddgeir Gunnarsson, Lánamálum ríkisins, í síma 569
9633.

Attachments:

bloomber_auction_process_2010.pdf

frett_rikb_100202.pdf

utbodsskilmalar_rikb_100202.pdf