|
|||
2009-01-29 16:05:12 CET 2009-01-29 16:06:12 CET REGULATED INFORMATION Sparisjóður Mýrasýslu - Fyrirtækjafréttir- Sparisjóður Mýrasýslu nær samningi um kyrrstöðutímabil (standstill) við alla helstu lánardrottna félagsins.Sparisjóður Mýrasýslu hefur um nokkurn tíma unnið að fjárhagslegri endurskipulagningu sjóðsins eftir að ljóst varð að ekki yrði af samningi við Kaupþing banka hf. í kjölfar hruns íslensku viðskiptabankanna. Í nóvember 2008 undirrituðu Nýi Kaupþing banki hf. og Borgarbyggð samkomulag um kaup bankans á öllu stofnfé Sparisjóðs Mýrasýslu. Kaupin eru háð því að samningar náist við lánardrottna um fjárhagslega endurskipulagningu sjóðsins auk þess sem fyrirvari er gerður um samþykki Fjármálaeftirlits og Samkeppniseftirlits. Þann 27. janúar sl. undirritaði sparisjóðurinn samkomulag við alla helstu lánardrottna sína, innlenda sem erlenda, þess efnis að lánadrottnar skuldbinda sig til að gjaldfella ekki lán sparisjóðsins innan tilskilins frests sem er til 2. mars næstkomandi. Sá frestur verður nýttur til að semja við lánardrottna sparisjóðsins um aðkomu þeirra að fjárhagslegri endurskipulagning sjóðsins. Höfuðstóll lána verður ekki greiddur á tímabilinu og heldur ekki vextir af víkjandi lánum, þ. á m. skuldabréfaflokki 05/01 að heildarfjárhæð krónur 279.349.000 á lokagjalddaga 2015 sem tekinn hefur verið til viðskipta á NASDAQ OMX Iceland hf Sparisjóðurinn mun hins vegar greiða vexti af öllum öðrum lánum, eftir því sem við á, á kyrrstöðutímabilinu og samkomulagið hefur ekki áhrif á stöðu sparifjáreigenda eða þeirra sem eiga almennar viðskiptakröfur á sparisjóðinn. Eigendur skuldabréfa sem tekin hafa verið til viðskipta í kauphöll eru ekki aðilar að þessu samkomulaginu en stefnt er að þátttöku þeirra í fjárhagslegri endurskipulagningu. Sparisjóður Mýrasýslu hefur eins og komið hefur fram átt í viðræðum við lánadrottna um nokkurn tíma vegna stöðu sjóðsins og eru sparisjóðsstjóri og stjórn sparisjóðsins eru bjartsýnir á að samningar muni nást um fjárhagslega endurskipulagningu. Undiritun samkomulags við lánadrottna er jákvætt skref í átt að því að tryggja framtíðarrekstur sparisjóðsins og að tryggja hagsmuni viðskiptavina og annara hagsmunaaðila. Frekari upplýsingar veitir: Bernhard Þór Bernhardsson Sparisjóðsstjóri Sími: 4307500 Netfang: bernhard@spm.is |
|||
|