Reitir fasteignafélag hf. - Fyrirtækjafréttir

Landsbankinn selur 10% hlut í Reitum

Útboði á allt að 10% eignarhlut Landsbankans hf. í Reitum fasteignafélagi hf.
lauk klukkan 16:00 þann 15. apríl 2015. Lágmarksgengi í útboðinu var 63,0
krónur á hlut og þurftu tilboðsgjafar að lágmarki að bjóða í 250.000 hluti í
Reitum. 

Landsbankinn tók tilboðum í 10% hlutafjár í Reitum og var heildarsöluverðmæti
útboðsins 4.792 m.kr. Samþykkt voru tilboð sem voru á bilinu 63,10-64,10 krónur
á hlut og var vegið meðalgengi samþykktra tilboða 63,50 krónur á hlut. 

Öll samþykkt tilboð miðast við það gengi sem viðkomandi tilboðsgjafi tilgreindi
í tilboði sínu. 

Tilboð fjárfesta sem buðu lægra en 63,10 krónur á hlut voru ekki samþykkt.
Tilboð fjárfesta sem buðu 63,10 krónur á hlut voru skert hlutfallslega og
tilboð fjárfesta sem buðu hærra en 63,10 krónur á hlut voru samþykkt að fullu. 

Viðskiptadagur útboðsins er 15. apríl 2015 og greiðslu- og afhendingardagur
vegna viðskiptanna er föstudagurinn 17. apríl 2015. 

Markaðsviðskipti Landsbankans höfðu umsjón með sölu hlutanna.

Útboðið fór fram í samræmi við útboðsskilmála sem birtir voru í fréttakerfi
NASDAQ OMX Iceland hf. og á vefsíðu Landsbankans, www.landsbankinn.is þann 13.
apríl 2015. Í útboðinu var nýtt undanþáguheimild frá útgáfu lýsingar, í samræmi
við heimild í c-lið 1. töluliðar, 1. málsgreinar 50. greinar laga nr. 108/2007,
um verðbréfaviðskipti. 

Nánari upplýsingar veita:
Árni Maríasson, forstöðumaður Markaðsviðskipta Landsbankans, s. 410-7335 /
863-9998 
Arnar Arnarsson, Verðbréfaviðskipti Landsbankans, s. 410-7336 / 821-2083