|
|||
![]() |
|||
2017-03-07 15:44:01 CET 2017-03-07 15:44:01 CET REGULATED INFORMATION Lánasjóður sveitarfélaga ohf. - ÁrsreikningurLánasjóður sveitarfélaga - Afkomutilkynning vegna ársins 2016Hagnaður Lánasjóðsins 983 m.kr. á árinu Rekstur og afkoma ársins 2016 Hagnaður ársins nam 983 milljónum króna samanborið við 1.046 milljónir króna árið 2015. Afkoma ársins fyrir óreglulega liði nam 713 milljónum króna samanborið við 818 milljónir króna árið 2015. Á árinu 2016 voru tekjufærðar 270 milljónir vegna greiðslu krafna úr þrotabúum fallinna fjármálastofnanna, Glitni Holdco og SPRON. Árið 2015 var tekjufærsla að fjárhæð 227 milljónir vegna dóma í gengislánamálum. Heildareignir sjóðsins í lok árs voru 78.024 milljónir króna á móti 77.111 milljón króna í árslok 2015. Heildarútlán sjóðsins námu 71.175 milljón króna í lok árs samanborið við 71.575 í árslok 2015. Þá nam eigið fé 17.172 milljónum króna á móti 16.712 milljónum króna í árslok 2015 og hefur hækkað um 2,8% á árinu. Vegið eiginfjárhlutfall samkvæmt lögum um fjármálafyrirtæki er 85% en var 79% í árslok 2015. Framtíðarhorfur Lánasjóðurinn mun starfa í meginatriðum svipað og undanfarin ár þar sem unnið hefur verið að eflingu á starfsemi hans og aukinni þjónustu við sveitarfélögin með því að nýta gott lánstraust sjóðsins til að útvega sveitarfélögunum lánsfé á hagstæðum kjörum. Væntingar stjórnenda standa til að afkoma af hefðbundinni starfsemi verði í samræmi við það sem verið hefur undanfarin ár. Kynningarfundur Opinn kynningarfundur fyrir markaðsaðila verður haldinn miðvikudaginn 8. mars 2017 í starfsstöð sjóðsins, Borgartúni 30, 5 hæð. Óttar Guðjónsson framkvæmdastjóri mun kynna afkomu og efnahag sjóðsins ásamt því að svara spurningum. Kynningin hefst kl. 8:30. Nánari upplýsingar veitir: Óttar Guðjónsson, framkvæmdastjóri, s. 515 4949 |
|||
|