|
|||
2008-08-29 15:41:14 CEST 2008-08-29 15:56:16 CEST REGULATED INFORMATION RARIK ohf. - Ársreikningur- Afkoma RARIK fyrstu sex mánuði ársins 2008Árshlutareikningur RARIK ohf er gerður samkvæmt alþjóðlegum reikningsskilastöðlum. Samkvæmt rekstrarreikningi samstæðunnar var tap á tímabilinu 2.802 milljónir króna en rekstrarhagnaður fyrir afskriftir, fjármagnsliði og skatta (EBITDA) var 782 milljónir króna eða 21,4% af veltu tímabilsins. Handbært fé frá rekstri var 944 milljónir króna. Samkvæmt efnahagsreikningi voru heildareignir 27.238 milljónir króna heildarskuldir 13.726 milljónum króna en eigið fé var 13.512 milljónir króna og eiginfjárhlutfall 49,6%. Afkoma RARIK fyrstu sex mánuði ársins 2008 skýrist að verulegu leyti af miklum fjármagnskostnaði sem stafar af gengisfalli íslensku krónunnar og tapi Landsnets sem er hlutdeildarfélag RARIK. Rekstrartekjur hækka um tæp 5% frá sama tímabili 2007 en rekstrargjöld lækka um 3,5% fá árinu 2007 og er regluleg starfsemi fyrirtækisins í samræmi við áætlanir. Gera má ráð fyrir að rekstrargjöld síðari hluta ársins verði hærri en áætlanir gerðu ráð fyrir vegna kostnaðarhækkana í kjölfar aukinnar verðbólgu. Unnið er að langtímalántöku vegna fjárfestinga sem lokið er við m.a. byggingu síðari áfanga Lagarfossvirkjunar. Landsnet sem er hlutdeildarfélag RARIK nýtti sér heimild í alþjóðlegum reikningsskilastöðlum um að færa upp varanlega rekstrarfjármuni. Niðurstaða þess endurmats er að eigið fé Landsnets hækkar um 6.884 milljónir króna og vegna hlutafjáreignar RARIK er eigið fé RARIK fært upp um 1.550 milljónir króna vegna þess. Horfur í rekstri RARIK eru góðar og ekki gert ráð fyrir miklum breytingum á síðari hluta ársins. Afkoma ársins ræðst hins vegar að verulegu leyti af stöðu gengis krónunnar og verðlagsþróun. Árshlutareikningur RARIK fyrir tímabilið 1. janúar til 30. júní 2008 var samþykktur á fundi stjórnar þann 29. ágúst 2008. Nánari upplýsingar veitir Tryggvi Þór Haraldsson, forstjóri RARIK í síma 528-9000. |
|||
|