Reykjavíkurborg - Ársreikningur

Leiðrétting - Ársreikningur Reykjavíkurborgar fyrir árið 2015 - Frétt birt 2016-04-28 13:01:44

Leiðrétting:   Villa var í áður innsendri fréttatilkynningu.  Þar er
gjaldfærsla lífeyrisskuldbindinga A og B hluta tilgreind 14.263 mkr. í annarri
málsgrein tilkynningarinnar.   Rétt fjárhæð er hins vegar 14.666. 





Ársreikningi Reykjavíkurborgar fyrir árið 2015 var vísað í borgarráði í dag,
fimmtudaginn 28. apríl, til fyrri umræðu í borgarstjórn. 

Rekstrarniðurstaða samstæðu Reykjavíkurborgar, A og B hluta, var neikvæð um
4.980 mkr en áætlun gerði ráð fyrir jákvæðri niðurstöðu um 7.392 mkr.
Meginástæða þess er hækkun á gjaldfærslu lífeyrisskuldbindinga sem nema 14.666
mkr. Þær skuldbindingar komu þó ekki til greiðslu á síðasta ári heldur er um
skuldbindingar til næstu ára og áratuga að ræða. Aðrar ástæður eru
fjármagnsgjöld Orkuveitu Reykjavíkur vegna gjaldfærðra gangvirðisbreytinga sem
til komin eru vegna áhrifa lækkunar álverðs en að hluta til kemur tekjufærður
gengismunur á móti - vegna veikingu evru. 

Rekstrarniðurstaðan er því 12.372 mkr lakari en gert var ráð fyrir.
Rekstrarniðurstaða fyrir fjármagnsliði var því jákvæð um 4.600 mkr sem er
12.683 mkr lakari niðurstaða en áætlun gerði ráð fyrir sem skýrist eins og áður
sagði, aðallega af hækkun lífeyrisskuldbindinga. Heildareignir samstæðunnar
samkvæmt samanteknum efnahagsreikningi námu í árslok samtals 525.560 mkr,
heildarskuldir ásamt skuldbindingum voru 301.553 mkr og eigið fé nam 224.007
mkr en þar af nam hlutdeild meðeigenda 12.700 mkr. 

Rekstrarniðurstaða A-hluta var neikvæð um 13.636 mkr sem skýrist aðallega af
gjaldfærðum lífeyrisskuldbindingum sem nema 14.263 mkr. Viðkomandi
lífeyrisskuldbindingar komu þó ekki til greiðslu á síðasta ári þó þær hafi
verið bókfærðar þá – heldur á næstu árum og áratugum. 

Þá gerði fjárhagsáætlun með viðaukum ráð fyrir að rekstrarniðurstaða yrði
neikvæð um 622 mkr á árinu og er niðurstaðan því lakari en gert var ráð fyrir,
sem nemur 13.014 mkr. 

Rekstrarniðurstaða fyrir fjármagnsliði var neikvæð um 12.861 mkr en áætlun
gerði ráð fyrir jákvæðri niðurstöðu um 182 mkr eða 13.043 mkr lakari en áætlun
gerði ráð fyrir.   Lakari rekstrarniðurstaða skýrist að stærstum hluta af hærri
gjaldfærslu lífeyrisskuldbindinga en áætlun gerði ráð fyrir. Gjaldfærð hækkun
lífeyrisskuldbindinga nam alls 14.623 mkr eða 12.312 umfram áætlun.  Hluti
gjaldfærslu lífeyrisskuldbindinga er vegna breyttra forsenda um dánar- og
lífslíkur eða 6.509 mkr. 

Rekstur Reykjavíkurborgar skiptist í A-hluta og B-hluta. Til A-hluta telst
starfsemi sem að hluta eða öllu leyti er fjármögnuð með skatttekjum. Um er að
ræða Aðalsjóð, þ.e. rekstur fagsviða, Eignasjóð og Bílastæðasjóð. Til B-hluta
teljast fjárhagslega sjálfstæð fyrirtæki sem að hálfu eða meirihluta eru í eigu
borgarinnar, en rekstur þeirra er að stofni til fjármagnaður með
þjónustutekjum. Fyrirtækin eru: Faxaflóahafnir sf., Félagsbústaðir hf.,
Íþrótta- og sýningahöllin hf., Malbikunarstöðin Höfði hf., Orkuveita
Reykjavíkur, Slökkvilið höfuðborgar­svæðisins bs., Sorpa bs. og Strætó bs, auk
Aflvaka hf og Jörundar ehf. 

Reykjavík, 28. apríl 2016.

Nánari upplýsingar veitir Birgir Björn Sigurjónsson fjármálastjóri
Reykjavíkurborgar sími 693-9321

Attachments:

Skyrsla Fjarmalaskrifstofu me arsreikning Reykjavikurborgar 2015.pdf

Samsta Reykjavikurborgar 2015 borgarra 28.04.pdf