Kvika banki hf. - Fyrirtækjafréttir

Jákvæð afkomuviðvörun Kviku banka hf.

Samkvæmt óendurskoðuðu móðurfélagsuppgjöri Kviku banka hf. fyrir fyrstu níu
mánuði ársins sem kynnt var á stjórnarfundi í dag nemur hagnaður eftir skatta
1.032 milljónum króna.

Afkoman fyrstu sex mánuði ársins var í takt við áætlanir og nam 373 milljónum
króna. Afkoma þriðja ársfjórðungs fór aftur á móti verulega fram úr áætlunum og
nam 659 milljónum króna. Horfur eru á að afkoma ársins í heild verði umtalsvert
betri en áætlanir gerðu ráð fyrir.

Helsta ástæða jákvæðra frávika í afkomu fyrstu níu mánuði ársins er góð afkoma
fyrirtækjasviðs bankans, aukin umsvif í gjaldeyrismiðlun og auknar
fjárfestingatekjur.

Eigið fé Kviku nam í lok september tæplega 6,2 milljörðum króna.
Eiginfjárhlutfall samstæðu hefur hækkað á þriðja ársfjórðungi og er nú 20,5%
samanborið við 18,0% í lok júní 2016.

Kvika er með skráð víkjandi skuldabréf hjá Nasdaq Iceland í flokknum KVB 15 01.
Skuldabréfin eru til 10 ára og teljast til eiginfjárliðar B. Þá er bankinn
einnig með skráða víxla í flokkunum KVB 16 1221 og KVB 17 0323.

Hafa ber í huga að forsendur og aðstæður geta tekið breytingum og þar af
leiðandi getur afkoma bankans orðið frábrugðin núverandi horfum.

---

Nánari upplýsingar veitir Sigurður Atli Jónsson, forstjóri Kviku í síma
540 3200 eða 821 2051.

---

Kvika banki hf.

Kvika er sérhæfður fjárfestingabanki sem sinnir þörfum viðskiptavina á
afmörkuðum syllum með fagþekkingu og sérhæfðu vöruframboði. Burðarás Kviku er
öflug eignastýring og veitir bankinn sparifjár- og innlánseigendum alhliða
fjármálaþjónustu. Hjá Kviku starfar samhentur hópur 87 sérfræðinga sem nær
árangri í krafti menntunar, markaðsþekkingar og víðtækrar reynslu. Forstjóri er
Sigurður Atli Jónsson og formaður stjórnar er Þorsteinn Pálsson. Eignarhald
Kviku er gagnsætt og er hann eini bankinn sem er að fullu í eigu einkaaðila s.s.
lífeyrissjóða, fyrirtækja og einstaklinga. Nánar á: www.kvika.is.     

[]