|
|||
2010-11-05 16:46:08 CET 2010-11-05 16:47:06 CET REGULATED INFORMATION Skipti hf. - FyrirtækjafréttirSkipti selja JÁSkipti hf. hafa undirritað samning um sölu á Já upplýsingaveitum ehf. Kaupandi er fyrirtæki í meirihlutaeigu Auðar 1 fagfjárfestasjóðs. Kaupverð er trúnaðarmál en söluhagnaður Skipta af viðskiptunum nemur 1,3 milljörðum króna. Greitt er fyrir hlutinn með reiðufé. Í ágúst 2005 stofnaði Skipti sérstakt félag um starfsemi Já. Símaskráin hefur verið gefin út hér á landi síðan 1906 en starfsemin hefur þróast í takt við tækninýjungar. Þannig hefur Já bætt almennri upplýsingagjöf í gegnum 118 við starfsemi sína og þróað og markaðssett vefinn Já.is, sem er ein mest sótta vefsíða á Íslandi. Já vinnur náið með öllum fjarskiptafyrirtækjum á Íslandi. Brynjólfur Bjarnason, forstjóri Skipta: „Sú ákvörðun að gera Já að sérstakri rekstrareiningu innan Skipta hefur reynst farsæl. Tekjur og arðsemi fyrirtækisins hafa vaxið og fyrirtækið hefur náð góðri stöðu á íslenskum markaði. Starfsfólk og stjórnendur hafa unnið frábært starf og fyrirtækið hefur breyst úr því að vera deild innan Símans í það að vera upplýsingaveitufyrirtæki sem þjónar öllum fjarskiptafyrirtækjum á Íslandi. Söluverðið er mjög ásættanlegt og það er afar jákvætt að hagnast um 1,3 milljarða króna af fjárfestingu á þessum tímum. Við munum nýta þá fjármuni sem fást við söluna til að styrkja fjárhagsstöðu Skipta enn frekar og greiða niður skuldir.“ |
|||
|