Arion Bank hf. - Fyrirtækjafréttir

Útgáfuáætlun Arion banka árið 2017

Sértryggð skuldabréf

  -- Stefnt er að því að heildarútgáfa markflokka sértryggðra skuldabréfa verði
     allt að 20 milljarðar króna á árinu 2017
  -- Markflokkar sértryggðra skuldabréfa eru verðtryggðu flokkarnir ARION CBI 21
     og ARION CBI 29 og óverðtryggði flokkarnir ARION CB 22 og ARION CB 19
  -- Stefnt er að því að lágmarksstærð markflokks sé 10 milljarðar króna áður en
     útgáfu er hætt, skipting útgáfu á milli markflokka ræðst af markaðsaðstæðum
     og fleiri þáttum. Ekki verður gefið meira út í flokknum ARION CBI 21. Til
     greina kemur að bæta við nýjum markflokkum skuldabréfa á árinu 2017
  -- Útboð sértryggðra skuldabréfa verða í hverjum mánuði.  Útboð fara að
     jafnaði fram fyrsta miðvikudag í mánuði og verður uppgjörsdagur viku síðar
     – sjá dagsetningar hér að neðan.
  -- Áhersla verður á seljanleika sértryggðra skuldabréfa, en Landsbankinn,
     Íslandsbanki og Kvika eru viðskiptavakar sértryggðra skuldabréfa. 
     Viðskiptavakar munu daglega setja fram kaup- og sölutilboð í skuldabréfin. 
     Lágmarksfjárhæð að nafnvirði í markflokka skuldabréfa skal vera 80 mkr. að
     nafnvirði en lágmarksfjárhæð tilboða í aðra flokka skal vera 20 mkr.  Fyrir
     markflokka gildir að ef útistandandi nafnvirði er minna en 10 makr. skal
     fjárhæð tilboða vera 60 mkr. en 80 mkr. þegar stærð flokks hefur náð 10
     makr. að nafnvirði

Víxlar

  -- Arion banki mun halda áfram með mánaðarleg víxlaútboð.  Víxlaútboð fara að
     jafnaði fram um miðjan mánuð og er uppgjörsdagur í kringum 20. dags hvers
     mánaðar.  Heildarútgáfa víxla er óákveðin og ræðst af markaðsaðstæðum

EMTN og önnur fjármögnun

  -- Stefnt er að reglulegri útgáfu erlendis af Euro Medium Term Note (EMTN)
     skuldaramma bankans. Markmið bankans er að gefa út 1-2 markflokka (e.
     benchmark) á ári sem eru að jafnaði EUR 300-500 milljónir. Bankinn mun
     einnig gefa út smærri útgáfur í norskum eða sænskum krónum og/eða í öðrum
     myntum eftir því sem markaðsaðstæður leyfa.
  -- Arion banki stefnir að því að auka fjölbreytni í fjármögnun.  Bankinn mun
     skoða aðra fjármögnunarkosti og fjölga fjármögnunarleiðum sé það hagfellt
     fyrir bankann.  Kemur því til greina að gefa út óveðtryggð skuldabréf,
     víkjandi skuldabréf eða sértryggð skuldabréf í erlendum myntum og/ eða
     íslenskum krónum sé eftirspurn eftir slíku hjá fjárfestum.  Upphæðir og
     tímasetningar slíkrar fjármögnunar fer eftir markaðsaðstæðum og viðtökum
     fjárfesta almennt.



Útboð sértryggðra skuldabréfa verða á eftirfarandi dagsetningum:

4. janúar 2017

1. febrúar 2017

1. mars 2017

5. apríl 2017

3. maí 2017

7. júní 2017

5. júlí 2017

2. ágúst 2017

6. september 2017

5. október 2017 (fimmtudagur)

1. nóvember 2017

6. desember 2017



Arion banki áskilur sér rétt til að breyta þessari áætlun, þ.m.t. fella niður,
fjölga eða breyta útboðs-dögum, breyta áætlaðri útgáfufjárhæð og gera aðrar
breytingar eins og þörf er á, án fyrirvara.