Íslandsbanki hf. - Fyrirtækjafréttir

Islandsbanki hf. : Flokkar sértryggðra skuldabréfa stækkaðir

Íslandsbanki hf. hefur í dag lokið útboði á einum óverðtryggðum og tveimur
verðtryggðum flokkum sértryggðra skuldabréfa. Verðtryggði flokkurinn ISLA CBI
20 var stækkaður um 920 m. kr. á ávöxtunarkröfunni 3,35% og verðtryggði
flokkurinn ISLA CBI 26 var stækkaður um 1.880 m. kr. á ávöxtunarkröfunni 3,43%.

Heildarstærð ISLA CBI 20 varð við þessa útgáfu 4,12 ma. kr. en heildarstærð ISLA
CBI 26 er nú orðin 4.24 ma. kr. Var þetta síðasta útboðið á ISLA CBI 20 þar sem
líftími hans fer undir 5 ár síðar í þessum mánuði.  Alls hefur Íslandsbanki
gefið út átta flokka sértryggðra skuldabréfa samtals að upphæð 39,35 ma. kr. frá
fyrstu útgáfu bankans á slíkum bréfum í desember 2011.

Heildareftirspurnin í útboðinu var 2,88 ma. kr., en 97% tilboða var tekið.
Stefnt er á töku bréfanna til viðskipta í Nasdaq Iceland þann 19. júní
næstkomandi. Viðskiptavakt fyrir alla flokka sértryggðra skuldabréfa
Íslandsbanka er á vegum MP banka.

Nánari upplýsingar veita:

  * Fjárfestatengill - Guðbjörg Birna Björnsdóttir, ir@islandsbanki.is og í síma
    440 4752/ 844 4752.
  * Upplýsingafulltrúi - Már Másson, mar.masson@islandsbanki.is og í síma
    440 4990.


[HUG#1928040]