Arion Bank hf. - Aðrar upplýsingar sem birtar eru í samræmi við reglur Kauphallarinnar

Skilyrt tilboð um endurkaup

Arion Banki hf. hefur í dag tilkynnt að bankinn muni gera skilyrt tilboð um endurkaup á EUR 300.000.000 3,125% skuldabréfaútgáfu sem er á gjalddaga 2018. Birt hefur verið ítarleg tilkynning um tilboð bankans í kauphöllinni í Lúxemborg þar sem bréfin eru skráð.

Arion Banki hf. mun gera eigendum skuldabréfanna, ARION 3,125% 03/12/18 (ISIN No: XS1199968303), skilyrt tilboð um endurkaup á skuldabréfunum í reiðufé. Tilboðið byggir á skilmálum skuldabréfaflokksins og er gert með þeim fyrirvörum og skilyrðum sem fram koma í greinargerð um endurkaupin, dagsettri 19. júní 2017, og snúa meðal annars að fyrirhugaðri skuldabréfaútgáfu bankans.

Þeir sem uppfylla skilyrði endurkaupanna geta nálgast eintök af greinargerðinni hjá umboðsmanni endurkaupanna, Lucid Issuer Services Limited (Sími: +44 (0) 20 7704 0880; netfang; arionbank@lucid-is.com).

Nánari upplýsingar er að finna í tilkynningu Arion banka í kauphöllinni í Lúxemborg og greinargerð um endurkaupin.