Hafnarfjarðarkaupstaður - Fyrirtækjafréttir

PwC minnisblað vegna vaxtabreytinga HFJ 141

26. maí 2016

HFJ 14 1: Aðferð við útreikninga vaxta vegna óuppfylltra fjárhagslegra skilyrða

PwC  vill benda  á misræmi  í aðferðafræði  okkar og  útgefanda við útreikning á
þeirri  fjárhæð  sem  er  til  greiðslu vegna skuldabréfaflokksins HFJ 14 1. Við
yfirferð  okkar  á  ársreikningi  útgefanda  vegna  ársins  2015 og staðfestingu
greiðslu  til  skuldabréfaeigenda  þann  20. nóvember 2015 vöknuðu spurningar um
aðferðafræði við útreikninga.

Í   samræmi   við   þjónustusamning   PricewaterhouseCoopers  ehf.  ("PwC")  við
Hafnarfjarðarkaupstað,  undirritaður  22. maí  2014, um  hlutverk eftirlitsaðila
vegna  skuldabréfaflokksins  HFJ  14 1 skal  eftirlitsaðili  staðfesta  og kanna
sjálfstætt   útreikning   útgefanda  (Hafnarfjarðarkaupstaðar)  á  fjárhagslegum
skilyrðum og kanna sjálfstætt greiðslur af skuldabréfunum á hverjum gjalddaga.

Samkvæmt  útgáfulýsingu bera  skuldabréfin 3,75% fasta  flata vexti  en standist
útgefandi  á einhverjum tímapunkti ekki  framangreind fjárhagsleg skilyrði skulu
vextir  skuldabréfaflokksins hækka um  0,5% frá fyrsta vaxtadegi  eftir að slíkt
liggur  fyrir til næsta vaxtadags eftir að nýr ársreikningur, árshlutareikningur
eða   endurskoðandi  útgefanda  staðfestir  að  skilyrðin  séu  aftur  uppfyllt.
Útgefandi  hefur  ekki  staðist  fjárhagsleg  skilyrði frá birtingu ársreiknings
fyrir árið 2014.

Á  gjalddaga þann  20. nóvember 2015 var  heildargreiðsla til skuldabréfaeigenda
166,8 m.kr. Sú upphæð miðast við að vextir skuldabréfsins hækki á tímabilinu upp
í 4,25% og greiðslan þannig reiknuð eins og um skuldabréf með breytilegum vöxtum
væri að ræða en þannig lækkaði afborgunarhluti á móti hærri vöxtum.

Þar  sem  að  bréfin  bera  fasta  vexti  þá er það okkar mat að afborgunarhluti
bréfsins eigi ekki að breytast við vaxtahækkun heldur leggist 0,5% einungis ofan
á  vaxtahlutann.  Ef  síðasta  greiðsla  af  HFJ  14 1 hefði  reiknast þannig að
einungis vaxtahluta bréfsins væri breytt hefði greiðslan verið 171,0 m.kr.


[HUG#2016537]