2015-03-09 16:05:21 CET

2015-03-09 16:06:23 CET


REGULATED INFORMATION

Islandic
Vátryggingafélag Íslands hf. - Hluthafafundir

Aðalfundur VÍS - krafa frá hluthafa um mál á dagskrá 


Krafa frá hluthafa um að mál verði tekið á dagskrá, endanleg dagskrá og
ályktunartillögur. 

Í fundarboði félagsins frá 26. febrúar sl. kemur fram að hluthafar eigi rétt á
að fá mál sett á dagskrá aðalfundar og leggja fram ályktunartillögur ef
skrifleg krafa er gerð um það eigi síðar en 2. mars 2015. Er þetta í samræmi
við lög um hlutafélög og samþykktir félagsins. 

Slík krafa kom fram innan frestsins og er hún meðfylgjandi þessari tilkynningu.
Tillagan er þess efnis að 26. gr. samþykkta félagsins verði felld brott í heild
sinni enda fjalli hún um heimild stjórnar til hlutafjárhækkunar í tengslum við
mál slitastjórnar SPRON gegn VÍS, en skv. tilkynningu frá félaginu 27. febrúar
sl. verður málið fellt niður og því ekki lengur þörf á að hafa þetta ákvæði í
samþykktum félagsins. Stjórn félagsins hefur því sett tillögu hluthafans á
dagskrá fundarins og breytt ályktunartillögum til samræmis. Endanlegar tillögur
og dagskrá fyrir aðalfundinn 12. mars nk. eru að finna í meðfylgjandi viðhengi.