Landsbankinn hf. - Niðurstöður hluthafafundar

Landsbankinn hf.: Niðurstöður aðalfundar Landsbankans 2025

Aðalfundur Landsbankans, sem haldinn var 19. mars 2025, samþykkti að greiða 18.892 milljónir króna í arð til hluthafa.

Arðgreiðslan samsvarar um 50% af hagnaði ársins 2024. Greiðslan verður tvískipt og er fyrri gjalddagi 26. mars 2025 en sá seinni 17. september 2025. Heildararðgreiðslur bankans á árabilinu 2013-2025 nema þar með um 210,6 milljörðum króna.

Á fundinum, sem var haldinn í Reykjastræti 6, flutti Jón Þorvarður Sigurgeirsson, formaður bankaráðs skýrslu bankaráðs fyrir árið 2024. Lilja Björk Einarsdóttir, bankastjóri, fjallaði um rekstur, stefnu og starfsemi bankans á liðnu starfsári.

Ársreikningur bankans var samþykktur og sömuleiðis tillögur um starfskjarastefnu og kjör bankaráðsmanna. Fundurinn kaus ríkisendurskoðanda sem endurskoðanda félagsins fyrir rekstrarárið 2025. Í samræmi við heimildir ríkisendurskoðanda til að útvista verkefnum sínum hefur hann tilnefnt í framhaldi af útboði um verkefnið endurskoðunarfyrirtækið PricewaterhouseCoopers ehf. til að annast endurskoðun ársreikninga félagsins fyrir rekstrarárið 2025.

Eftirtaldir einstaklingar voru endurkjörnir aðal- og varamenn í bankaráð Landsbankans fram til næsta aðalfundar:

Aðalmenn:

• Jón Þorvarður Sigurgeirsson (formaður)
• Eva Halldórsdóttir
• Kristján Þ. Davíðsson
• Rebekka Jóelsdóttir
• Steinunn Þorsteinsdóttir
• Þór Hauksson
• Örn Guðmundsson

Varamenn:

• Sigurður Jón Björnsson
• Stefanía G. Halldórsdóttir

Þá var Hjörleifur Pálsson kjörinn sem utanaðkomandi nefndarmaður í endurskoðunarnefnd bankans.

Nánari upplýsingar veita:                

Rúnar Pálmason, upplýsingafulltrúi, samskipti@landsbankinn.is

Hanna Kristín Thoroddsen, fjárfestatengsl, fjárfestatengsl@landsbanki.is

Viðhengi

• Niðurstöður aðalfundar Landsbankans hf. 2025

Attachments:

Niðurstöður aðalfundar Landsbankans hf. 2025.pdf