|
|||
2012-09-25 22:00:30 CEST 2012-09-25 22:01:33 CEST REGULATED INFORMATION Orkuveita Reykjavíkur - FyrirtækjafréttirFjárhagsáætlun Orkuveitunnar 2013 samþykktReykjavík, 2012-09-25 22:00 CEST (GLOBE NEWSWIRE) -- Stjórn Orkuveitu Reykjavíkur hefur samþykkt viðfesta Fjárhagsáætlun OR fyrir 2013 og fimm ára áætlun fyrir árin 2014-2018. Sterkasti áhrifaþáttur fjárhagsáætlunar Orkuveitu Reykjavíkur fyrir árið 2013 er Aðgerðaáætlun OR og eigenda - Planið - sem samþykkt var í mars 2011. Aðgerðir í tengslum við Planið, þar sem hagræðingu í rekstri og sérstaka hækkun gjaldskrár ber hæst, eru þegar komnar til framkvæmda. Því ráðast breytingar á rekstrarkostnaði og rekstrartekjum á árinu 2013 aðallega af ytri þáttum. Sérstakar ráðstafanir samkvæmt Planinu á árinu 2013 eru síðari hluti lántöku frá eigendum og meiri tekjuöflun með eignasölu en önnur ár Plansins. Ástæðan eru hinar miklu afborganir af lánum sem greiða þarf á fyrri hluta ársins. Tekist hefur að færa til hluta þeirra afborgana en engu að síður nema afborganir af langtímalánum um 25 milljörðum króna á árinu 2013 og er það erfiðasta afborganaárið á tímabili Plansins, 2011-2016. Fjárhagsáætlunin miðar að því að allir þættir Plansins standist. Fjárhagsáætlun 2013 fylgir fimm ára áætlun fyrir árin 2014-2018. Þótt síðustu tvö árin séu eftir gildistíma Plansins, verða engar stökkbreytingar í rekstri OR. Umfang starfseminnar nú er talið hæfa verkefnum fyrirtækisins. Gert er ráð fyrir að á árunum 2017 og 2018 þurfi að auka viðhaldsfjárfestingu í veitukerfum og virkjunum. |
|||
|