|
|||
![]() |
|||
2008-08-22 11:00:32 CEST 2008-08-22 11:01:32 CEST REGULATED INFORMATION Sparisjóður Mýrasýslu - Ársreikningur- Afkoma Sparisjóðs Mýrasýslu fyrstu 6 mánuði ársins 2008Tap Sparisjóðs Mýrasýslu á fyrstu 6 mánuðum ársins nam 4.628 millj. kr. eftir skatta. Eigið fé samkvæmt efnahagsreikningi var um 1,5 milljarður króna samanborið við 6,3 milljarða króna í árslok 2007. Eiginfjárhlutfall samtæðunnar samkvæmt CAD-reglum var -0,5%. Í ársbyrjun 2008 sameinuðust dótturfélagið Sparisjóður Siglufjarðar og Sparisjóður Skagafjarðar og er sameinaður sparisjóður hluti af samstæðureikningi. Þá er Reykjavík Capital hf. hluti af samstæðureikningi sparisjóðsins í kjölfar samþykkis Fjármálaeftirlitsins á kaupum Sparisjóðs Mýrasýslu á félaginu Helstu tölur úr árshlutauppgjöri og aðrar upplýsingar um rekstur fyrstu sex mánuði ársins: Rekstur samstæðunnar Tap varð á rekstri samstæðunnar fyrstu sex mánuðina upp á 4.628,3 millj. kr. eftir skatta. Vaxtatekjur námu 3.643,3 millj. kr. fyrstu sex mánuði ársins 2008 samanborið við 1.967,3 millj. kr. fyrir sama tímabil ársins 2007. Vaxtagjöld námu 2.822,1 millj. kr. fyrir fyrstu sex mánuði ársins 2008 samanborið við 1.552,6 millj. kr. fyrir sama tímabil ársins 2007. Hreinar vaxtatekjur námu 821,2 millj. kr. fyrstu sex mánuði ársins 2008 en þær voru 414,6 millj. kr. fyrstu sex mánuðina árið 2007. Hreinar rekstrartekjur voru neikvæðar uppá 2.482,6 millj. kr. á móti 3.606,8 millj. kr. fyrir fyrstu sex mánuði ársins 2007. Framlag í afskriftarreikning útlána nam 1.936,2 millj. kr. á fyrri helming ársins 2008 en var 142,7 millj. kr. fyrir sama tímabil árið 2007. Rekstrargjöld sparisjóðsins voru 939,6 millj. kr. á fyrri hluta ársins en voru 564,5 millj. kr. fyrir sama tímabil árið 2007. Rekstrarkostnaður sem hlutfall af eignum er nú 1,76% en var 1,3% fyrir fyrstu sex mánuði ársins 2007. Efnahagur og eigið fé samstæðunnar Heildareignir samstæðunnar eru 53.255,2 millj. kr. 30. júní 2008 miðað við 47.698,4 millj. kr. í lok árs 2007. Útlán samstæðunnar nema 42.901,2 millj. kr. 30. júní 2008 miðað við 34.766,7 í lok árs 2007. Almenn innlán samstæðunnar nema 18.909,8 millj. kr. 30. júní 2008 miðað við 17.336,7 millj. kr. 31.12.2007. Eigið fé Sparisjóðs Mýrasýslu var 1.501,7 millj. kr. 30. júní 2008 en var 6.338,1 millj. kr. í árslok 2007. Eiginfjárhlutfall samstæðunnar samkvæmt CAD-reglum er -0,5% þann 30. júní 2008. Atburðir eftir lok reiknistímabils Þann 15. ágúst 2008 samþykkti fundur stofnfjáreigenda tillögu stjórnar sparisjóðsins um að stofnfé sparisjóðsins yrði aukið um 2.000 millj. kr. og ákvað Borgarbyggð að falla frá forkaupsrétti sínum. Kaupþing Banki hf. hefur skuldbundið sig til að skrá sig fyrir 1.750 millj. kr. og Straumborg hf. fyrir 250 millj. kr.. Stofnfjáraukningin er háð samþykki lánadrottna, Fjármálaeftirlitsins og Samkeppniseftirlitsins. Gert er ráð fyrir að stofnfjáraukningin og aðrar tengdar aðgerðir muni hafa þau áhrif að eiginfjárhlutfall Sparisjóðs Mýrasýslu verði 10,7% en samkvæmt lögum má hlutfallið ekki vera lægra en 8,0%. Eftir stofnfjáraukninguna verður hlutur Kaupþings Banka hf. 70%, hlutur Borgarbyggðar 20% og Straumborgar hf. 10% en áður var allt stofnfé í eigu Borgarbyggðar, alls 505 millj. kr. Frekari upplýsingar veitir: Gísli Kjartansson Sparissjóðsstjóri í síma 430 7500 |
|||
|