2011-02-02 16:40:10 CET
2011-02-02 16:41:13 CET
REGULATED INFORMATION
Marel hf. - Ársreikningur
Marel kynnir afkomu ársins 2010
Sterkur vöxtur og góð arðsemi
-- Tekjur ársins 2010 námu 600,4 milljónum evra. Tekjur af kjarnastarfsemi
voru 582,1 milljónir evra, sem er 34% aukning samanborið við árið áður
[2009: 434,8 milljónir evra].[1]
-- Leiðrétt EBITDA af kjarnastarfsemi var 88.1 milljónir evra, sem er 15,1% af
tekjum [2009: 47,4 milljónir]. EBITDA af heildarstarfsemi 2010 var 82,2
milljónir evra [2009: 58,8 milljónir]. [2]
-- Leiðréttur rekstarhagnaður (EBIT) af kjarnastarfsemi var 64,1 milljónir
evra, sem er 11% af tekjum [2009: 24,8 milljónir evra]. EBIT af
heildarstarfsemi árið 2010 var 57,3 milljónir evra [2009: 8,0 milljónir
evra].
-- Hagnaður af heildarstarfsemi árið 2010 eftir skatta var 13,6 milljónir evra
[2009: 11,8 milljón evra tap].
-- Sjóðstreymi er sterkt og nettó vaxtaberandi skuldir hafa lækkað í 256,7
milljónir evra í lok árs 2010 [2009: 295,0 milljónir evra].
-- Félagið tryggði sér langtíma heildarfjármögnun að upphæð 350 milljónir evra
á hagstæðum kjörum.
-- Pantanabók styrktist með hverjum ársfjórðungi í kjölfar stöðugs framboðs
nýrra vara og batnandi markaðsaðstæðna. Pantanabók var 162,2 milljónir evra
í lok árs [2009: 105,8 milljónir evra].
Árið 2010 var mjög gott hjá Marel. Tekjur af kjarnastarfsemi námu 582,1
milljónum evra, sem er 34% aukning miðað við árið á undan. Markaðsvirkni jókst
stöðugt eftir sem leið á árið og nýjar pantanir voru fleiri en afgreiddar
pantanir á hverjum ársfjórðungi. Pantanabókin styrktist þannig jafnt og þétt og
var 162,2 milljónir evra í árslok, sem er met hjá fyrirtækinu og 53% aukning
miðað við sama tíma fyrir ári.
Ný langtímafjármögnun sem Marel tryggði sér í nóvember 2010 að upphæð 350
milljónir evra markaði tímamót. Samningurinn, sem sex alþjóðlegir bankar standa
að, skapar fyrirtækinu sterkan grundvöll til framtíðar.
Theo Hoen, forstjóri:
„Marel náði framúrskarandi árangri á fjórða ársfjórðungi. Þetta var besti
ársfjórðungur okkar frá upphafi og bindur endahnútinn á mjög gott ár. Með
mikilli aukningu í fjölda pantana á fjórða ársfjórðungi náði pantanabókin nýjum
hæðum. Rekstrarhagnaður (EBIT) var 12% á fjórða ársfjórðungi og 11% fyrir árið
í heild, sem er í fullu samræmi við markmið okkar um 10-12% rekstrarhagnað.
Ákvörðun okkar um að viðhalda fjárfestingu í nýsköpun og vöruþróun, þrátt fyrir
erfitt rekstrarumhverfi, er nú tvímælalaust að skila sér. Við höfum kynnt
fjölda nýrra tækja og lausna til sögunnar á árinu og munum halda því áfram.
Endurfjármögnun félagins á fjórða ársfjórðungi markaði tímamót. Vaxandi EBITDA
og lækkandi skuldir gerði okkur kleift að ná hagstæðri langtíma fjármögnun með
samningi við hóp sex alþjóðlegra banka. Við erum nú í góðri stöðu til að
uppskera ávinninginn af því að vera orðin að einu sameinuðu fyrirtæki.
Við byggjum á sannreyndu viðskiptalíkani þar sem markaðsáhersla, nýsköpun og
rekstrarhagræði eru í fyrirrúmi. Horft fram á veginn erum við þess fullviss að
við munum ná markmiðum okkar um góða arðsemi og vöxt.“
Afkoma fjórða ársfjórðungs 2010
Framúrskarandi afkoma og sterk pantanabók
Marel náði framúrskarandi árangri á ársfjórðungnum og námu tekjur 167,7
milljónum evra, EBITDA var 26,1 milljónir evra og EBIT var 20,1 milljónir evra.
-- Tekjur á fjórða ársfjórðungi 2010 námu 167,7 milljónum evra, sem er 49%
aukning miðað við tekjur af kjarnastarfsemi á sama tímabili fyrir ári [Q4
2009: 112,5 milljónir evra af kjarnastarfsemi; 135,7 milljónir af
heildarstarfsemi].
-- EBITDA var 26,1 milljónir evra á ársfjórðungnum, sem er 15,6% af tekjum [Q4
2009: 12,8 milljónir evra af kjarnastarfsemi; 12,0 milljónir evra af
heildarstarfsemi].
-- Rekstarhagnaður (EBIT) var 20,1 milljónir evra, sem er 12% af tekjum [Q4
2009: 6,9 milljónir evra af kjarnastarfsemi; 19,6 milljónir evra af
heildarstarfsemi].
-- Hagnaður af heildarstarfsemi eftir skatta var 5,5 milljónir evra á fjórða
ársfjórðungi 2010 [Q4 2009: 23,0 milljóna evra tap].
-- Samþættingu Marel og Stork Food Systems í eitt félag lauk formlega á þriðja
ársfjórðungi. Nú er áhersla lögð á aukna arðsemi og innri vöxt á grundvelli
markaðsaðgangs, nýsköpunar og rekstraryfirburða.
Marel hefur notið góðs af þeirri ákvörðun að viðhalda fjárfestingu í
rannsóknar- og þróunarstarfi á undanförnum tveimur árum. Þökk sé stöðugu
framboði nýrra vara námu nýjar pantanir (þjónustutekjur meðtaldar) 188,6
milljónum evra á fjórða ársfjórðungi 2010, samanborið við 132,2 milljónir á
sama tímabili fyrir ári. Vinnan sem lögð hefur verið í að samþætta sölu- og
þjónustunetið hefur átt stóran þátt í að styrkja enn frekar markaðsstöðu
fyrirtækisins. Fjöldi stórra pantana er nú aftur orðinn sambærilegur við það
sem hann var fyrir fjármálakreppuna og viðskiptavinir eiga ekki lengur í
vandræðum með að fjármagna slík verkefni. Enn á ný voru nýjar pantanir fleiri
en afgreiddar pantanir. Fyrir vikið hefur pantanabókin aldrei verið stærri. Var
hún 162,2 milljónir evra í lok ársins 2010 samanborið við 105,8 milljónir evra
á sama tíma fyrir ári. Sterk pantanbók gerir Marel kleift að byrja árið 2011 af
krafti.
Handbært fé frá rekstri er áfram traust og nemur 33,5 milljónum evra fyrir
fjármagnsliði og skatta á fjórða ársfjórðungi og 114,9 milljónum evra fyrir
árið í heild. Efnahagsreikningurinn er sterkur og eru nettó skuldir 256,7
milljónir evra samanborið við 295,0 milljónir evra fyrir ári síðan.
Afkoma fjórða ársfjórðungs 2010
Rekstur fjórða ársfjórðungs - helstu tölur í þúsundum evra
Rekstrarreikningur Q4 YTD Q4 YTD
Kjarnastarfsemi 2010 2010 2009 2009
Tekjur 167.677 582.130 112.492 434.796
Framlegð 63.162 221.410 43.682 166.160
Framlegð sem hlutfall af sölu 37,7% 38,0% 38,8% 38,2%
Aðrar rekstrartekjur (kostnaður) 110 (672) (246) (602)
Aðrar rekstrartekjur (kostnaður) 0,1% 0,1% 0,2% 0,1%
sem hlutfall af sölu
Sölu--, stjórnunar- og almennur (33.313) (120.671) (28.741) (112.397)
kostnaður
Sölu- og stjórnunar kostnaður sem 19,9% 20,7% 25,5% 25,9%
hlutfall af sölu
Rannsóknar- og þróunarkostnaður (9.896) (35.924) (7.775) (28.402)
Rannsóknar- og þróunarkostnaður 5,9% 6,2% 6,9% 6,5%
sem hlutfall af sölu
Rekstrarhagnaður (EBIT) 20.063 64.144 6.920 24.760
EBIT sem hlutfall af sölu 12,0% 11,0% 6,2% 5,7%
EBITDA 26.104 88.060 12.763 47.432
EBITDA sem hlutfall af sölu 15,6% 15,1% 11,3% 10,9%
Nýjar pantanir 1) 188.604 638.453 132.187 474.077
Pantanabók 162.155 105.832
1) Þjónustutekjur meðtaldar.
Á samstæðugrunni Q4 YTD Q4 YTD
2010 2010 2009 2009
Sjóðstreymi
Handbært fé frá rekstri fyrir 33.451 114.881 17.084 75.395
fjármagnsliði og skatta
Handbært fé frá rekstri 20.759 78.986 756 25.526
Fjárfestingar (6.097) (16.757) (4.588) 10.758
Fjármögnun (36.459) (67.453) 20.114 10.168
-----------------------------------------
Nettó aukning (minnkun) á handbæru (21.797) (5.224) 16.385 46.452
fé
Efnahagur
Nettó vaxtaberandi skuldir 256.741 295.012
Veltufé 2) 59.794 107.149
2) Viðskiptakröfur, birgðir, verk
í vinnslu og lánardrottnar.
Kennitölur
Veltufjárhlutfall 1,4 1,6
Lausafjárhlutfall 1,0 1,2
Fjöldi útistandandi hluta 730.291 727.136
Markaðsvirði hlutafjár í milljónum 473,5 210,3
evra m.v. gengi í lok tímabils
Arðsemi eiginfjár 4,1% (3,9)%
Hagnaður per hlut í evru sentum 1,87 (1,96)
Helstu atburðir á tímabilinu
Fjármögnun
Þann 25. nóvember sl. undirritaði Marel samning við sex alþjóðlega banka um
langtímafjármögnun að upphæð 350 milljónir evra. Meðal vaxtakjör í upphafi
samnings eru EURIBOR/LIBOR + 320bpsog mun fara lækkandi á lánstímabilinu, í
takt við aukinn fjárhagslegan styrk fyrirtækisins. Nýja fjármögnunin markar
tímamót og skapar fyrirtækinu sterkan grundvöll til framtíðar. Samningurinn
gerir félaginu kleift að endurfjármagna allar núverandi skuldir á hagstæðum
kjörum. Sá stöðugleiki og sveigjanleiki sem fjármögnunin hefur í för með sér
styður einnig við langtímaáætlanir og áframhaldandi vöxt fyrirtækisins. Að auki
gerir fjármögnunin fulla samþættingu starfseminnar mögulega.
Í tengslum við endurfjármögnunina tilkynnti Marel þann 1. nóvember 2010 að
félagið hyggðist gera eigendum skuldabréfa sem skráð eru á NASDAQ OMX Iceland
undir nafninu MARL 06 1 skilyrt tilboð um endurkaup á bréfunum. MARL 06 1
skuldabréfin voru einu eftirstandandi skuldir Marel sem félagið gat ekki
skilyrðislaust greitt upp að vild. Með endurkaupunum sóttist Marel eftir því að
draga enn frekar úr gjaldeyrisáhættu í efnahagsreikningi félagsins. Eigendur
samtals 65,65 % af útistandandi bréfum í flokknum tóku tilboði Marel um
endurkaup á pari. Eftir endurkaupin nema eftirstandandi skuldir í íslenskum
krónum samtals 7,5 milljónum evra, sem félagið telur vera ásættanlega
gjaldeyrisáhættu.
Kostnaðaraðhald og áhersla á sjóðstreymi
Marel leggur áfram ríka áherslu á kostnaðaraðhald og hagræðingu. Áfram er unnið
að því tryggja að sú lækkun á kostnaðargrunni félagsins sem náðst hefur á
undanförnum ársfjórðungum verði varanleg þrátt fyrir aukin umsvif.
Handbært fé frá rekstri fyrir fjármagnsliði og skattavar jákvætt um 33,5
milljónir evra á fjórða ársfjórðungi. . Aðgerðir til að draga úr veltufé héldu
áfram að skilasérí bættu veltufjárhlutfalli. Núverandi lausafjárstaða er góð og
nemur 63 milljónum evra. Fyrirtækið er vel í stakk búið til að takast á við
vöxt og það markaðsumhverfi sem nú ríkir.
Rekstrarumhverfi
Kjarnastarfsemi Marel beinist að fjórum undirgreinum matvælaiðnaðarins: Vinnslu
á kjúklingi, fiski, kjöti og frekari vinnslu.
Kjúklingur: Vinsældir kjúklings halda áfram að aukast eftir því sem neytendur
sækja í auknum mæli í ódýrara prótein. Aukningin í fjölda pantana á árinu var
því enn og aftur mest í kjúklingageiranum, þar með talið í fjölda stórra
pantana bæði á hefðbundnum markaðssvæðum og á nýmörkuðum. Nokkrar stórar
pantanir bárust á fjórða ársfjórðungi, þar á meðal fyrir nýjar verksmiðjur í
Kína og Rússlandi (sjá „viðskiptavinur í nærmynd“ hér að neðan). Ný samþættuð
lausn var kynnt á árinu þar sem saman fara AMF-BX úrbeiningarlínu og SensorX
beinaleitarkerfi. Lausninni var vel tekið af viðskiptavinum enda setur hún ný
viðmið hvað varðar framleiðslustýringu, framleiðni og áreiðanleika. Almennt eru
horfur fyrir 2011 jákvæðar.
Fiskur: Hátt hráefnisverð og samþjöppun í iðnaðinum gera það að verkum að
fiskverkendur sækjast eftir því að fjárfesta í aukinni sjálfvirkni og bættri
nýtingu, vörugæðum og almennri hagkvæmni. Hámörkun á því virði sem fæst úr
hráefninu er forgangsatriði. Áframhaldandi vöxtur er í fiskeldi.
Laxaframleiðendur í Noregi nýta sér áfram þau tækifæri sem hafa skapast við
fall laxaiðnaðarins í Chile eftir veirufaraldur. Í lok ársins keypti stór
framleiðandi þar í landi annað stórt SureTrack kerfi fyrir flokkun á heilum
laxi, en uppsetningu á fyrra kerfinu lauk fyrr á árinu.
Kjöt: Mikil virkni á ársfjórðungnum í Evrópu, Ástralíu og Suður Ameríku gefur
til kynna að umfangsmiklar fjárfestingar séu í vændum á fyrri hluta árs 2011.
Framleiðendur halda áfram að sýna aukinn áhuga á sjálfvirkni og bættu eftirliti
með framleiðsluferlinu, einkum þar sem hráefniskostnaður er hár og skortur er
á vinnuafli. Nýjar pantanir voru þó aðeins undir væntingum á fjórða
ársfjórðungi og var nokkrum stórum verkefnum frestað vegna ókyrrðar á markaði,
sérstaklega á Bandaríkjamarkaði þar sem lágt vöruverð og skortur á eftirspurn
hafa haft sitt að segja. Engu að síður voru nokkur StreamLine úrbeiningar- og
snyrtikerfi seld til viðskiptavina sem sóttust eftir að auka arðsemi.
Frekari vinnsla: Áframhaldandi vöxtur er í eftirspurn eftir unnum vörum.
Neytendur eyða sífellt minni tíma í eldamennsku og sækjast þess í stað eftir
auknu úrvali tilbúinna rétta. Þá halda skyndibitastaðir áfram að dafna.
Framleiðendur fjárfesta í auknum mæli í nýjungum sem gera þeim kleift að
bregðast við síbreytilegum óskum neytenda. Töluverð aukning var í sölu á
Townsend Further Processing vörulínu fyrirtækisins og átti velgengni
RevoPortioner þar stóran hlut að máli. RevoPortioner byggir á byltingarkenndri
lágþrýstitækni við mótun og skurði á margskonar vörum, þ.á.m. hamborgurum,
nöggum og steikum. Reiknað er með áframhaldandi vexti í geiranum árið 2011.
Viðskiptavinur í nærmynd - BEZRK-Belgrankorm, Rússlandi: BEZRK-Belgrankorm er
leiðandi fyrirtæki í vinnslu á kjúklingi í mið-Rússlandi sem leggur mikið upp
úr nútímalegum og framsæknum vinnsluaðferðum. Fyrirtækið áformar að hefja
útflutning á kjúklingaafurðum til Evrópu og skrifaði þess vegna nýlega undir
samning við Marel um kaup á búnaði fyrir nýja verksmiðju. Áætluð afköst
verksmiðjunnar eru 12.000 kjúklingar á klukkustund til að byrja með. Pöntunin
er frá Stork Poultry Processing vörulínu Marel og nam 18,3 milljónum evra.
„Við höfum verið samstarfsaðilar í meira en fimm ár núna,“ segir Alexander
Orlov, stjórnarformaður og aðaleigandi BEZRK-Belgrankorm. „Gæði Stork Poultry
Processing búnaðarins og þjónustunnar sem fyrirtækið veitir tala sínu máli.
Tækin eru mjög áreiðanleg og áherslan á nýsköpun veitir okkur öryggi þegar við
horfum fram á veginn. Það er ákaflega jákvætt að Marel og Stork Poultry
Processing skuli nú vera orðið að einu fyrirtæki sem byggir á einni samræmdri
stefnu, stefnu sem skilar sér í lausnum við þeim vandamálum sem við glímum við
daglega.“ Reiknað er með að nýja verksmiðjan verði tekin í notkun sumarið 2011
og verður heildarafkastageta hennar meira en 150 þúsund tonn af kjúklingi á
ári.
Horfur
Markaðsaðstæður héldu áfram að batna á árinu 2010 með hverjum mánuði sem leið.
Marel hefur styrkt markaðsstöðu sína enn frekar og sterk pantanabók tryggir að
árið 2011 fer vel af stað. Horfur fyrir árið eru góðar. Engu að síður má gera
ráð fyrir að afkoman verði breytileg milli ársfjórðunga vegna sveiflna í
pöntunum og tímasetningu stærri verkefna.
Kynningarfundur 3. febrúar 2010
Marel boðar til kynningarfundar um afkomu félagsins fimmtudaginn 3. febrúar kl.
8:30 í húsnæði félagsins að Austurhrauni 9, Garðabær. Fundinum verður einnig
netvarpað: www.marel.com/webcast
Birtingardagar fyrir reikningsárið 2010 og aðalfundur 2011
-- Aðalfundur Marel hf.
2. mars 2011
-- 1. ársfjórðungur 2011
27. apríl 2011
-- 2. ársfjórðungur 2011
27. júlí 2011
-- 3. ársfjórðungur 2011
26. október 2011
-- 4. ársfjórðungur 2011
1. febrúar 2012
-- Aðalfundur Marel hf.
29. febrúar 2011
--
Frekari upplýsingar veita:
Jón Ingi Herbertsson, fjárfesta- og almannatengsl. Sími: 563-8451
Erik Kaman, fjármálastjóri. Sími: 563-8072
Sigsteinn Grétarsson, forstjóri Marel ehf. Sími: 563-8072
Um Marel
Marel er í hópi stærstu útflutningsfyrirtækja landsins og er í fararbroddi á
heimsvísu í þróun og framleiðslu á háþróuðum búnaði og kerfum til vinnslu á
fiski, kjöti og kjúklingi. Fyrirtækið starfrækir skrifstofur og dótturfyrirtæki
í meira en 30 löndum, auk 100 umboðsmanna og dreifingaraðila.
Athygli fjárfesta er vakin á eftirfarandi:
Sumar staðhæfingar í þessari fréttatilkynningu kunna að vera byggðar á mati og
áætlunum stjórnenda félagsins en ekki á staðreyndum sem hægt er að sannreyna við
birtingu hennar. Í eðli sínu fela slíkar staðhæfingar því í sér óvissu. Við
vekjum þess vegna athygli fjárfesta á því að margir þættir geta haft þau áhrif
að rekstrarumhverfi og afkoma verði með öðrum hætti en forsendur gera ráð fyrir
í þessari tilkynningu. Tilkynningin verður ekki endurskoðuð eftir birtingu hvað
þetta varðar.
[1]Sölu helstu eigna félagsins utan kjarnastarfsemi var lokið á fyrsta
ársfjórðungi 2010 þegar Carnitech A/S og Food & Dairy Systems voru seld.
Afkomutölur frá Carnitech A/S eru taldar með í heildarafkoma ársins 2010 fram
til 1. febrúar 2010 og tölur frá Food & Dairy Systems til 31. mars 2010. Þegar
afkoma ársins 2010 er borin saman við árið á undan er þess vegna gagnlegra að
miða við afkomu af kjarnastarfsemi en heildarafkomu.
[2]Leiðrétt fyrir einskiptisliðum sem nema samtals 7,9 milljónum evra á árinu,
þar af 7,6 milljónum evra vegna kostnaðar tengdum lífeyrissjóði Stork.
© 2024 Nasdaq, Inc. All Rights Reserved |