|
|||
2008-05-09 19:25:37 CEST 2008-05-09 19:26:38 CEST REGULATED INFORMATION Langanesbyggð - Ársreikningur- Ársreikningur 2007Ársreikningur Langanesbyggðar fyrir árið 2007 var tekinn til fyrri umræðu af hreppsnefnd föstudaginn 9. maí 2008 og vísað til seinni umræðu. Samkvæmt sveitarstjórnarlögum skal fjalla um ársreikninginn á tveimur fundum í sveitarstjórn. Seinni umræða fer fram föstudaginn 16. maí nk. Ársreikningurinn hefur að geyma ársreikning fyrir þær rekstrareiningar sem falla undir A hluta starfsemi sveitarfélagsins og samantekinn ársreikning fyrir alla starfsemi þess þ.e. A og B hluta, sbr. 60 gr. sveitarstjórnarlaga, nr. 45/1998 Til A hluta , þ.e. sveitarsjóðs, telst starfsemi sem að hluta eða öllu leyti er fjármögnuð með skatttekjum, en auk aðalsjóðs er um að ræða Eignasjóð og Þjónustumiðstöð. Til b-hluta teljast fjárhagslega sjálfstæð fyrirtæki sem að hálfu eða meirihluta eru í eigu sveitarfélagsins, en rekstur þessara fyrirtækja er fjármagnaður með þjónustutekjum. Fyrirtæki sem falla undir B hluta starfsemi sveitarfélagsins eru Félagslegar íbúðir, Fráveita, Vatnsveita, Hafnarsjóður, Naust og Fræ ehf. Tekjur sveitarfélagsins voru nokkuð yfir áætlun, eða um 5% í samanteknum A og B hluta. Hins vegar voru skatttekjur í samræmi við áætlun. Útgjöld eru nokkuð yfir áætlun fyrir A og B hluta, eða um 8%. Samkvæmt ársreikningi var afkoma fyrir fjármagnsliði um 20 millj. kr. lakari en fjárhagsáætlun gerði ráð fyrir í A- hluta og fjármunamyndun rekstrar var um 10 millj. kr. lakari, samanber sjóðsstreymi. Frávik í A-hluta eru einkum til komin vegna afskrifta krafna og skatttekna, ófyrirséðra útgjalda vegna samstarfsverkefna sveitarfélaga í Þingeyjarsýslum og hækkunar launakostnaðar vegna forfalla og skipulagsbreytinga. Frávik í B-hluta voru óveruleg. Í fjármagnsliðum eru veruleg frávik frá fjárhagsáætlun sem koma til vegna þess að B-hluta fyrirtækið Fræ ehf. seldi 33% eignarhluta sinn í Þórshöfn fjárfestingu ehf. til Ísfélags Vestmannaeyja hf. og nam söluhagnaður vegna þess um 164 millj. kr. eftir skatta og er sú fjárhæð færð til tekna undir fjármagnsliðum í ársreikningi samantekins A og B hluta Langanesbyggðar. Frekari upplýsingar veitir: Björn Ingimarsson, sveitarstjóri bjorn@langanesbyggd.is, í síma 468 1220 eða 895 1448. |
|||
|