RARIK ohf. - Ársreikningur

RARIK ohf árshlutareikningur

Árshlutareikningur  RARIK  fyrstu sex mánuði ársins 2012

Árshlutareikningur RARIK ohf 1. janúar til 30. júní 2012 var samþykktur af
stjórn þann  28. ágúst. 





Rekstarhagnaður af starfsemi RARIK fyrir fjármagnsliði (EBIT) á fyrri hluta
ársins 2012 var 1.375 milljónir króna. Rekstrarafkoman var betri en á fyrri
hluta ársins 2011 og hækkuðu  rekstrartekjur um 11,8% frá fyrra ári, en
rekstrargjöld með afskriftum um 2,9% og var regluleg starfsemi  fyrirtækisins í
samræmi við áætlanir. 

Fjármagnsliðir voru neikvæðir um 699 milljón króna á tímabilinu en voru á sama
tímabili árið áður neikvæðir um 981 milljónir króna. Þessi breyting stafar m.a.
af styrkingu krónunnar, en verðbólga var þó hærri en áætlanir gerðu ráð fyrir. 

Áhrif hlutdeildarfélags á rekstur voru jákvæð um 53 milljónir króna.

Samkvæmt yfirliti um heildarafkomu var hagnaður á tímabilinu 566 milljónir
króna. Rekstrarhagnaður fyrir afskriftir, fjármagnsliði og skatta (EBITDA) var
1.995 milljónir króna eða um 36% af veltu tímabilsins, samanborið við 1.532
milljónir eða 31%  af veltu á sama tímabili árið áður.  Hreint veltufé frá
rekstri var 1.975 milljónir króna samanborið við 1.531 milljón króna á sama
tímabili árið 2011. 

Samkvæmt efnahagsreikningi 30. júní 2012 voru heildareignir RARIK 37.163
milljónir króna og heildarskuldir námu 17.269 milljónum króna. Eigið fé var
19.894 milljónir króna og eiginfjárhlutfall 53,5%. 

Árshlutareikningur RARIK ohf er gerður samkvæmt alþjóðlegum
reikningsskilastöðlum. 



Horfur

Horfur í rekstri RARIK á árinu 2012 eru góðar. Gert er ráð fyrir að afkoma
ársins fyrir fjármagnsliði verði í samræmi við áætlanir, en heildarafkoma
ársins ræðst hins vegar að verulegu leyti af þróun á gengi krónunnar og almennu
ástandi efnahagsmála. Miðað við gengisþróun undanfarna mánuði og verðbólguspár
næstu mánaða má búast við að heildarafkoma fyrirtækisins verði jákvæð á árinu. 

Helstu stærðir samstæðureiknings eru sýndar í meðfylgjandi viðhengi

Attachments:

Arshlutareikningur Rarik 30 juni 2012 oundirritaur.pdf

Frettatilkynning um afkomu RARIK ohf 300612.pdf