|
|||
2014-03-06 17:36:08 CET 2014-03-06 17:37:09 CET REGULATED INFORMATION Hampiðjan hf. - Annual report (is)Hampiðjan - Ársreikningur 2013Sölutekjur voru 50,4 millj. evra (kr. 8,2 milljarðar) og jukust 12% frá fyrra ári. Hagnaður var 7,6 millj. evrur (kr. 1.240 milljónir) en var 5,5 milljónir evrur árið áður. Lykilstærðir (fjárhæðir í evrum og samanburðartölur fyrra árs í sviga): Rekstrartekjur jukust um 12% og voru 50,4 milljónir (45,2 milljónir). Ebitda af reglulegri starfsemi, var 7,8 milljónir (7,8 milljónir). Hlutdeild í hagnaði HB Granda var 3,2 milljónir (1,4 milljónir). Hagnaður ársins var 7,6 milljónir (5,5milljónir). Heildareignir voru 88,7 milljónir (81,6 milljónir). Vaxtaberandi skuldir voru 24,2 milljónir (24,5 milljónir). Eiginfjárhlutfall var 63% (60%). Rekstur Rekstrartekjur samstæðunnar voru 50,4 milljónir og jukust um 12% frá árinu áður. Innri vöxtur samstæðunnar var 3% og ytri vöxtur 9%, en Nordsötrawl í Thyboron í Danmörku bættist í samstæðuna í ársbyrjun 2013. Rekstrarhagnaður af reglulegri starfsemi var 12% af rekstrartekjum eða 5,9 milljónir en var 14% í fyrra eða 6,1milljón. Fjármunatekjur ásamt hlutdeild í hagnaði HB Granda að frádregnum fjármagnsgjöldum voru 2,2 milljónir til tekna en voru 0,4 milljónir til tekna á fyrra ári. Hagnaður ársins var 7,6 milljónir en var 5,5 milljónir árið 2012. Efnahagur Heildareignir voru 88,7 milljónir í árslok. Eigið fé nam 55,5 milljónum, en af þeirri upphæð eru 6,4 milljónir hlutdeild minnihluta í eigin fé Swan Net Gundry á Írlandi, Fjarðaneta á Íslandi og dótturfélags Cosmos Trawl í Danmörku. Hlutfall eigin fjár, þegar hlutdeild minnihluta er meðtalin, var í árslok 63% af heildareignum samstæðunnar. Vaxtaberandi skuldir námu í árslok 24,2 milljónum og lækkuðu um 0,3 milljónir frá ársbyrjun. Aðalfundur Aðalfundur Hampiðjunnar verður haldinn föstudaginn 28. mars 2014 í fundarsal félagsins að Skarfagörðum 4 í Reykjavík og hefst klukkan 16:00. Tillaga stjórnar um arðgreiðslu Stjórn félagsins leggur til að á árinu 2014 verði vegna rekstrarársins 2013 greidd 0,54 kr. á hlut í arð til hluthafa, eða kr. 262,8 milljónir. Arðurinn verði greiddur í viku 18. Síðasti viðskiptadagur þar sem arður fylgir bréfunum er 28. mars 2014, þ.e. viðskipti sem fara fram á þeim degi koma fram í hlutaskrá félagsins á arðsréttindadeginum 2. apríl. Arðleysisdagurinn er 31. mars. Fjárhagsdagatal Hálfsársuppgjör; 29. ágúst 2014 Ársuppgjör 2014; 6. mars 2015 Jón Guðmann Pétursson, forstjóri: „Síðasta ár var fjórða árið í röð sem samstæðan nýtur söluaukningar vegna innri vaxtar en tilkoma Nordsötrawl í Thyboron í byrjun ársins bætti einnig við ytri vexti. Rekstrarhagnaður félagsins hefur verið góður á undanförnum árum en einnig hafa eignir í óskyldum rekstri, sem er að uppistöðu til 8,8% eignarhlutur í HB Granda hf., skilað félaginu góðri ávöxtun. Staða Hampiðjunnar er sterk bæði er varðar rekstur og efnahag.“ Ársreikningurinn er á heimasíðu Hampiðjunnar hf., www.hampidjan.is. |
|||
|