2021-10-28 17:40:18 CEST

2021-10-28 17:40:19 CEST


REGULATED INFORMATION

Islandic English
Festi hf. - Árshlutareikningur (Q1 og Q3)

Festi hf.: Afkoma á 3. ársfjórðungi 2021


Helstu niðurstöður

  • Framlegð af vöru- og þjónustusölu nam 6.875 millj. kr. samanborið við 5.785 millj. kr. á 3F 2020, sem samsvarar 18,8% hækkun milli ára.
  • EBITDA nam 3.346 millj. kr. samanborið við 2.586 millj. kr. á 3F 2020, sem jafngildir 29,3% hækkun.
  • Framlegð af vörusölu var 25,4% á 3F 2021 en framlegðin var 24,7% í sama fjórðungi árið áður.
  • Kostnaður vegna COVID-19 var 14 millj. kr. á 3F 2021 en var 108 millj. kr. á sama fjórðungi árið áður.
  • Eigið fé í lok 3F 2021 var 31.748 m.kr. og eiginfjárhlutfall 36,6% samanborið við 35,7% í lok árs 2020.
  • Nettó vaxtaberandi skuldir án leiguskuldbindinga voru 25.423 millj. kr. í lok 3F 2021 samanborið við 29.986 millj. kr. í lok 2020 sem er lækkun um 4.563 millj. kr. á milli ára.
  • EBITDA spá félagsins fyrir árið 2021 var hækkuð 29. september sl. um 600 millj. kr. og er nú 9.400 - 9.800 millj. kr.


Eggert Þór Kristófersson, forstjóri Festi:

„Áherslur okkar á bættan rekstur er áfram að skila sér á þriðja ársfjórðungi þar sem tekjur aukast um 15% en EBITDA um 29% miðað við sama tíma í fyrra. Reksturinn hjá öllum félögum samstæðunnar var umtalsvert betri en áætlanir félagsins gerðu ráð fyrir.  Mikil vinna liggur hér að baki og vill ég nota tækifærið og þakka starfsmönnum fyrir þeirra frábæra starf. 

Áherslur hafa einnig verið á að auka enn við þjónustu og góða upplifun viðskiptavina með fjárfestingum í stafrænum lausnum.  Nýjasta birtingarmynd þeirrar vegferðar er „Skannað og skundað“ lausn Krónunnar sem gerir viðskiptavinum kleift að nota farsímann við innkaupin í verslunum félagsins. Nýjar vefverslanir ELKO og N1 hafa einnig farið í loftið á árinu með aukinni þjónustu við viðskiptavini okkar.

Áhrif COVID faraldursins gætti enn á ársfjórðungnum þó þau verði sífellt minni.  Aukin eftirspurn á heimsmarkaði ásamt hnökrum í mikilvægum aðfangakeðjum hefur leitt til vöruskorts og hækkandi vöruverðs á síðustu misserum.  Horfur í rekstrinum eru þó áfram mjög góðar og er félagið vel í stakk búið til að takast á við verkefnin framundan“  segir Eggert Þór Kristófersson, forstjóri Festi.

Viðhengi