|
|||
![]() |
|||
2015-03-05 14:51:03 CET 2015-03-05 14:52:05 CET REGULATED INFORMATION RARIK ohf. - ÁrsreikningurÁrsreikningur RARIK fyrir árið 2014Hagnaður RARIK á árinu var 2,7 milljarðar. Samkvæmt rekstrarreikningi var hagnaður á árinu 2.661 milljónir króna sem er töluvert umfram það sem gert var ráð fyrir í áætlunum. Hækkun frá árinu 2013 var tæp 37% en þá var hagnaður ársins 1.947 milljónir króna. Rekstrarhagnaður fyrir afskriftir, fjármagnsliði og skatta (EBITDA) var 4.719 milljónir króna eða 37,7% af veltu tímabilsins, samanborið við 36,5% á árinu 2013. Handbært fé frá rekstri var 3.837 milljónir króna. Rekstrartekjur hækkuðu um rúm 6% frá árinu 2013 og voru 12.521 milljónir króna og rekstrargjöld hækkuðu á milli ára um tæp 4,5% og voru 9.513 milljónir króna. Rekstrarhagnaður af starfsemi RARIK fyrir fjármagnsliði (EBIT) á árinu 2014 var 3.008 milljónir króna sem er rúmlega 12% hækkun frá fyrra ári. Styrking krónunnar og lítil verðbólga gerði það að verkum að fjármagnsliðir voru hagstæðari en búist var við. Fjármagnsgjöld umfram fjármagnstekjur voru um 748 milljónir króna, en á árinu 2013 var niðurstaðan um 867 milljónir króna. Hagnaður var því meiri en áætlanir gerðu ráð fyrir. Áhrif Landsnets, sem er hlutdeildarfélag RARIK, á afkomu ársins voru jákvæð um 847 milljónir króna á móti 491 milljónum á árinu 2013. Samkvæmt efnahagsreikningi námu heildareignir RARIK í árslok 48.536 milljónum króna og hækkuðu um 1.749 milljónir króna á milli ára. Heildarskuldir námu 19.041 milljónum króna og lækkuðu um 602 milljónir króna frá fyrra ári. Eigið fé var 29.495 milljónir króna og er eiginfjárhlutfall því 61% samanborið við 58% í árslok 2013. Fjárfestingar ársins voru 2.572 milljónir króna, sem er um 1.200 milljónum króna lægri fjárhæð en árið á undan. Skýrist það fyrst og fremst af mjög miklum fjárfestingum við hitaveitu á Skagaströnd og við rafvæðingu fiskimjölsverksmiðja á árinu 2013. Stjórn RARIK ohf. leggur til við aðalfund að greiddar verði 310 milljónir króna í arð til ríkissjóðs. Samstæðuársreikningur RARIK ohf. er gerður samkvæmt alþjóðlegum reikningsskilastöðlum. Horfur í rekstri RARIK á árinu 2015 eru góðar, en þó er gert ráð fyrir að hagnaður ársins verði heldur lægri en á árinu 2014. Áætlanir ársins 2015 gera ráð fyrir að forgangsorka aukist frá fyrra ári, en að dreifing raforku standi í stað. Vextir erlendra lána hafa verið hagstæðir undanfarin misseri og gert er ráð fyrir að þeir haldist sambærilegir út árið 2015. Samkvæmt áætlunum RARIK er gert ráð fyrir að taka lán á árinu 2015 að fjárhæð 5,5 milljarðar króna. Hluti lántökunnar eða um 3,5 milljarðar eru vegna endurfjármögnunar. Miðað er við að lántakan verði frágengin fyrir mitt árið. Gert er ráð fyrir að fjárfestingar samstæðunnar verði sambærilegar og á síðasta ári. Helstu stærðir samstæðureiknings RARIK, allar fjárhæðir í milljónum króna. Helstu stærðir úr rekstri: jan-de jan-de jan-de jan-de jan-de jan-de jan-de s s s s s s s 2014 2013 2012 2011 2010 2009 2008 Rekstartekjur 12.521 11.793 11.412 10.768 9.694 8.703 7.830 Rekstrargjöld 9.513 9.108 8.428 8.547 7.907 6.973 6.851 Rekstrarhagnaður 3.008 2.684 2.984 2.221 1.787 1.731 979 Fjármunatekjur og -748 -867 -1.282 -1.233 56 -1.804 -5.645 (fjármagnsgjöld) Áhrif hlutdeildarfélags 847 491 180 189 802 331 -2.877 Hagnaður/tap fyrir 3.107 2.309 1.882 1.177 2.646 257 -7.543 skatta Tekjuskattur -446 -362 -341 -164 -127 440 310 Hagnaður (Tap) 2.661 1.947 1.541 1.014 2.518 697 -7.232 Eignir samtals 48.536 46.787 44.569 37.262 37.032 35.663 31.923 Eigið 29.495 27.144 25.507 19.327 18.314 15.982 13.942 fé Skuldi 19.041 19.643 19.062 17.935 18.718 19.682 17.982 r Handbært fé frá rekstri 3.837 3.541 3.257 2.779 2.067 1.847 1.150 Greidd vaxtagjöld 649 657 630 623 842 749 901 EBITDA 4.719 4.300 4.351 3.520 3.054 2.843 1.884 Vaxtaþekja 7,27 6,54 6,91 5,65 3,63 3,80 2,09 Eiginfjárhlutfall 60,8% 58,0% 57,2% 51,9% 49,5% 44,8% 43,7% Ársreikningur RARIK 2014 var samþykktur á fundi stjórnar þann 5. mars, 2015 og heimilaði stjórn birtingu hans í Kauphöll Íslands. Nánari upplýsingar veitir Tryggvi Þór Haraldsson, forstjóri RARIK í síma 528-9000. |
|||
|