Reitir fasteignafélag hf. - Aðrar upplýsingar sem birtar eru í samræmi við reglur Kauphallarinnar

REITIR: Niðurstöður skuldabréfaútboðs 30. janúar

Lokuðu útboði Reita fasteignafélags hf. á skuldabréfum þann 30. janúar 2017 er
lokið. Boðin voru til sölu skuldabréf í áður útgefnum og skráðum flokkum,
REITIR151244, REITIR151124 og REITIR 22. Tilgangur skuldabréfaútgáfu félagsins
er eftir atvikum endurfjármögnun á hluta núverandi skulda félagsins, til
fjármögnunar fasteignaþróunar og mögulegra fasteignakaupa sem og til
rekstrarþarfa. 

Alls bárust tilboð í flokkana að nafnvirði 2.120 milljóna króna. Ákveðið var að
taka tilboðum að nafnvirði 780 milljóna króna á ávöxtunarkröfunni 3,60% í
flokknum REITIR151244 og að nafnvirði 540 milljóna króna á ávöxtunarkröfunni
3,55% í flokknum REITIR151124. Tilboðum í flokkinn REITIR 22 var ekki tekið. 

Heildarstærð ofangreindra flokka verður eftirfarandi:

Flokkur:       Áður útgefið:  Eftir útgáfu nú:
REITIR151244  32.305.200.000    33.085.200.000
REITIR151124   2.690.000.000     3.230.000.000
REITIR 22        600.000.000       600.000.000

Gjalddagi áskrifta og afhending bréfa er fyrirhuguð 6. febrúar næstkomandi og
óskað verður eftir því að nýju bréfin verði tekin til viðskipta á Aðalmarkaði
Nasdaq Iceland sama dag. 

Nánari upplýsingar veitir Einar Þorsteinsson, fjármálastjóri, á netfanginu
einar@reitir.is eða í síma 669 4416.