|
|||
![]() |
|||
2015-08-19 18:28:04 CEST 2015-08-19 18:28:34 CEST REGULATED INFORMATION Fjarskipti hf. - ÁrsreikningurFjarskipti hf. : Góð hagnaðaraukning og stöðugur reksturÁrshlutareikningur Fjarskipta hf. fyrir annan ársfjórðung 2015 var samþykktur af stjórn og forstjóra félagsins á stjórnarfundi þann 19. ágúst 2015. * Hagnaður á ársfjórðungnum nam 300 m.kr. og jókst um 43% - hagnaðaraukning á fyrri helmingi ársins nam 56% * Tekjur jukust um 3% bæði á ársfjórðungnum og á fyrri helmingi ársins * EBITDA hagnaður nam 776 m.kr. á ársfjórðungnum og hækkaði um 16% á milli ára - EBITDA á fyrri helmingi ársins hækkaði um 14% * Framlegð hækkaði um 5% á fjórðungnum - hækkun einnig 5% á fyrri helmingi ársins * Rekstrarkostnaður lækkaði um 1% á milli ára * Eiginfjárhlutfall var 57,2% * Handbært fé frá rekstri 41% hærra en á sama tímabili 2014 Stefán Sigurðsson, forstjóri:"Niðurstaða uppgjörs annars ársfjórðungs er ánægjuleg eða 43% aukning hagnaðar á ársfjórðungnum á milli ára. Niðurstaðan endurspeglar eins og í fyrri þremur uppgjörum aðhaldsaðgerðir í rekstri síðastliðið sumar auk áframhaldandi sóknar fyrirtækisins í þjónustu bæði gagnvart fyrirtækjum og einstaklingum. Dæmi um uppbyggingu þjónustu til viðskiptavina á síðasta fjórðungi er ný sjónvarpsþjónusta okkar, Vodafone PLAY, áskriftarveituþjónusta (e. SVOD) sérhönnuð fyrir íslenskan markað. Til viðbótar kynntum við bresku áskriftarveituþjónustuna Cirkus til leiks undir lok fjórðungsins, en hún býður yfir 600 klukkustundir af breskum gæða þáttaröðum úr smiðju ITV og BBC. Báðar þessar þjónustur eru liður í áherslu fyrirtækisins að mæta aukinni eftirspurn viðskiptavina eftir gagnvirku gæða sjónvarpi. Uppbygging 4G farsímakerfis okkar út um landið og miðin hélt áfram á fjórðungnum og hefur mælst mjög vel fyrir ekki síst meðal sjófarenda. Áfram verður haldið að styrkja þjónustuframboð gagnvart viðskiptavinum eins og nýjustu útspil okkar sýna; það er 500 mbps ótakmarkað internet yfir ljós, það hraðasta sem boðið er hér á landi, auk þess sem við munum bjóða Office 365 hugbúnað til okkar fyrirtækjaviðskiptavina í haust í samvinnu við Microsoft og Vodafone Group." [HUG#1946560] |
|||
|