Fjarskipti hf. - Fyrirtækjafréttir

Fjarskipti hf. : Vodafone og Nova stefna að stofnun félags um samrekstur farsímakerfa félaganna fyrir 1. október næstkomandi

Mun samreksturinn felast í gagnkvæmum aðgangi að farsímadreifikerfum félaganna
og þannig leiða til hagkvæmni í rekstri og fjárfestingum. Vodafone ("Fjarskipti
hf.") telur að hægt sé að fækka sameiginlegum hýsingarstöðum farsímasenda um
u.þ.b. 220, eða úr 770 í 550, sem mun leiða samanlagt til um 200 m.kr.
rekstrarsparnaðar sem ætti að skila sér að fullu inn í rekstur félaganna á um
þremur árum. Vodafone mun einnig ná fram hagkvæmni í fjárfestingum með aðgangi
að farsímadreifikerfum Nova. Vodafone metur að möguleg hagkvæmni í fjárfestingum
frá árinu 2016 geti numið um 0,3% af veltu félagsins.

Stefnt er að endanlegum frágangi allra samninga og samþykkta
samrekstrarfélagsins fyrir 1. október næstkomandi.


[HUG#1946531]