Icelandair Group hf. - Fyrirtækjafréttir

-Útboð

Stjórn Icelandair Group hf. ákvað í dag að fara í opið hlutafjárútboð til þess
að hækka hlutafé félagsins um 500 - 1.059 milljónir hluti. 

Verð hvers hlutar verður 2,5. Stjórn mun ákveða úthlutun hluta þegar
áskriftartímabili er lokið. Lágmarksáskrift er 10.000 hlutir. Allir núverandi
starfsmenn samstæðunnar munu hafa forgangsrétt að 160.000.000 hlutum. Allir
núverandi hluthafar hafa forgangsrétt að 799.000.000 hlutum. 

Markmiðið er að ljúka útboðinu fyrir árslok 2010. Nánari upplýsingar um útboðið
verða veittar í síðasta lagi tveimur vikum fyrir lok áskriftartímabilsins.
Félagið mun í kjölfarið óska eftir að hlutirnir verði skráðir í Nasdaq OMX
Iceland.