|
|||
![]() |
|||
2015-04-13 10:53:15 CEST 2015-04-13 10:54:16 CEST REGULATED INFORMATION Skipti hf. - FyrirtækjafréttirNiðurstöður fundar Skipta, Arion banka og skuldabréfaeigenda í skuldabréfaflokknum SKIPTI 13 01Niðurstöður fundar Skipta hf. með Arion banka hf., sem lánveitanda og veðvörsluaðila, og skuldabréfaeigendum í skuldabréfaflokknum SKIPTI 13 01 sem haldinn var föstudaginn 10. apríl 2015 kl. 16:00 á Hilton Hótel Nordica, Suðurlandsbraut 2. 1. Ákveðið var að regluleg uppfærsla tryggingarbréfs, upphaflega dags. 22. desember 2005, ásamt síðari breytingum, síðast þann 28. júní 2013, skyldi fara næst fram þann 31. maí 2017 og frá þeim tíma á 24 mánaða fresti. 2. Ákveðið var að breyta veðsamningi um veð í samningsbundnum réttindum, upphaflega dags. 22. desember 2005, ásamt síðari breytingum, síðast þann 28. júní 2013, þannig að hýsingarsamningar, leigusamningar og þjónustusamningar sæti ekki frekari uppfærslum. 3. Ákveðið var að breyta veðsamningi um veð í verðbréfum, upphaflega dags. 22. desember 2005, ásamt síðari breytingum, síðast þann 28. júní 2013, þannig að uppfærslum samnings í núverandi horfi verði hætt, þó þannig að verðbréf yfir ákveðnum fjárhæðarmörkum skulu veðsett án tafar. 4. Ákveðið var að samþykkja samruna Skipta hf. og Símans hf., þar sem Skipti hf. er yfirtökufélag, sem felur í sér að eðli málsins samkvæmt munu veðhafar ekki lengur eiga veð í hlutabréfum Símans hf. Frekari upplýsingar veitir Pétur Þ. Óskarsson, yfirmaður samskipta Símans hf. í farsíma 863-6075. |
|||
|