|
|||
2008-02-28 13:33:44 CET 2008-02-28 13:34:44 CET REGULATED INFORMATION SPRON Verðbréf hf. - Niðurstöður hluthafafundarLeiðrétting - Niðurstöður aðalfundar 27. febrúar 2008 - Frétt birt: 2008.02.28:10:35:10 og 10:49:55Leiðrétting á tillögu stjórnar um ráðstöfun hagnaðar og greiðslu arðs. Niðurstöður aðalfundar SPRON hf. 27. febrúar 2008. Eftirfarandi tillögur voru samþykktar á fundinum: 1. Tillaga stjórnar um ráðstöfun hagnaðar og greiðslu arðs. Aðalfundur SPRON hf samþykkir að helmingur hagnaðar eftir skatta, eða 1.643 millj.kr., verði greiddar í arð til hluthafa á árinu 2008 vegna ársins 2007. Arður á hlut er 0,33 krónur. Arðleysisdagurinn er 28. febrúar og arðsréttindadagurinn 3. mars. Hluthafar eiga kost á að taka arðinn að hluta eða öllu leyti í formi hlutabréfa í SPRON hf. á kauphallargenginu 5,62. Hluthafar skulu tilkynna félaginu vilja sinn í þessum efnum fyrir lok dags 3. apríl 2008. Þeir sem ekki óska eftir hlutum í SPRON hf. fá arðinn greiddan í reiðufé þann 10. apríl 2008. 2. Tillaga stjórnar til breytinga á samþykktum félagsins Aðalfundur samþykkir að nýr málsliður komi í 1. mgr. 13. gr. samþykkta SPRON hf. og verði sá næst síðasti svohljóðandi: “Gildir það hvort sem yfirráð yfir atkvæðisrétti byggjast á beinni eða óbeinni eignarhlutdeild.” 3. Tillaga stjórnar um starfskjarastefnu Aðalfundur SPRON hf samþykkti eftirfarandi starfskjarastefnu félagsins: Starfskjarastefna SPRON hf. er sett með það að markmiði að halda í og laða að hæfa og metnaðarfulla stjórnendur og starfsmenn. SPRON hf. byggir samkeppnishæfni sína á ábyrgum og hæfum starfsmönnum. Leitast félagið við að bjóða gott starfsumhverfi, þar með talin starfskjör, til að gera SPRON hf að eftirsóknarverðum valkosti á vinnumarkaði. Stjórn SPRON hf hefur samþykkt eftirgreinda starfskjarastefnu fyrir félagið skv. 79. gr. laga nr. 2/1995 um hlutafélög og almenn viðmið atvinnulífsins um góða stjórnarhætti. Stjórn SPRON hf mun skipa sérstaka starfskjaranefnd til ráðgjafar fyrir stjórn varðandi starfskjör forstjóra. Hlutverk nefndarinnar verður að leggja drög að samningi við forstjóra um laun og önnur starfskjör og móta stefnu um kjaratengd málefni félagsins s.s. árangurstengingu launa og kauprétti að hlutabréfum í félaginu. Starfskjaranefnd skal taka starfskjarastefnu SPRON hf til endurskoðunar árlega og leggja fyrir aðalfund félagsins til samþykktar. Starfskjör stjórnarmanna eru ákveðin á aðalfundi félagsins ár hvert. Við ákvörðun um starfskjör forstjóra skal horfa til launakjara í sambærilegum störfum á fjármálamarkaði og taka mið af menntun, reynslu og fyrri störfum. Gera skal skriflegan ráðningarsamning við forstjóra og skulu þar koma fram starfskjör umfram grunnlaun s.s. kaupréttur, greiðslur í lífeyrissjóð, hlunnindi og uppsagnarfrest. Forstjóri semur um starfskjör við framkvæmdastjóra og aðra stjórnendur móðurfélagsins, svo sem um kaupaukagreiðslur, lífeyrisframlag og hlunnindi. Við ákvörðun launa stjórnenda skal taka mið af umfangi og ábyrgð starfsins, ásamt frammistöðu og framtíðarmöguleikum stjórnandans innan fyrirtækisins. Ákvörðun um starfskjör framkvæmdastjóra dótturfélaga eru í höndum stjórnar viðkomandi dótturfélags. Við starfslok stjórnenda skulu greiðslur að jafnaði byggjast á ráðningarsamningi viðkomandi. Kaupréttaráætlun SPRON hf gerir ráð fyrir að allir fastir starfsmenn félagsins hafi kost á að fjárfesta í hlutum í félaginu. Kaupréttaráætlunin nær til starfsmanna móðurfélagsins og dótturfélaga innan samstæðunnar. Með eignarhaldi á hlutum í félaginu er talinn skapast aukinn hvati hjá starfsmönnum til að stuðla enn betur að áframhaldandi vexti og árangri þess. Kaupréttaráætlunin er gerð til þriggja ára. Starfsmenn eiga kost á að fjármagna kaup á hlutum í félaginu með lánum sem veitt verða í samræmi við almennar reglur um útlán SPRON hf. Kaupréttir geta í heild numið allt að 4% af útgefnu hlutafé SPRON hf á hverjum tíma. Starfskjarastefnan er bindandi fyrir stjórn SPRON hf að því er varðar ákvæði um kaupréttarsamninga og aðra samninga eða greiðslur sem fylgja þróun verðs á hlutabréfum í félaginu, skv. 79 gr. laga um hlutafélög 2/1995. Að öðru leyti er starfskjarastefnan leiðbeinandi fyrir stjórn SPRON hf. Ef vikið er frá starfskjarastefnunni í veigamiklum atriðum skulu frávik færð í gerðarbók stjórnar ásamt rökstuðningi. Greina skal frá slíkum frávikum á næsta aðalfundi félagsins. Stefnan var fyrst samþykkt á hluthafafundi SPRON hf. 21. ágúst 2007 og er nú lögð óbreytt fyrir aðalfund SPRON hf. 27. febrúar 2008 til staðfestingar. 4. Eftirtaldir aðilar voru sjálfkjörnir sem aðal- og varamenn í stjórn SPRON hf: Aðalmenn: Ari Bergmann Einarsson, 070649-7999, Laugarásvegi 26, 104 Reykjavík Ásgeir Baldurs, 171172-5439, Lómasölum 13, 201 Kópavogur Erlendur Hjaltason, 020855-5849, Auðarstræti 3, 105 Reykjavík Margrét Guðmundsdóttir, 160154-2419, Furugerði 6, 108 Reykjavík Rannveig Rist, 090561-2359, Háhæð 2, 210 Garðabær Varamenn: Vilhjálmur Þ Vilhjálmsson, 260446-4369, Máshólar 17, 111 Reykjavík Esther Guðmundsdóttir, 100748-2909, Kjalarland 5, 108 Reykjavík Guðmundur Arnaldsson, 300945-2799, Kringlunni 93, 103 Reykjavík Birkir Baldvinsson, 070940-4349, USA/Bretland Rögnvald Othar Erlingsson, 020257-7419 5. Kosning endurskoðanda Aðalfundur SPRON hf. kaus KPMG Endurskoðun hf. sem endurskoðunarfélag SPRON. Af hálfu fimans annast Sigurður Jónsson löggiltur endurskoðandi endurskoðunarstarfið. Um greiðslu þóknar fer samkvæmt reikningi. 6. Breytingartillaga um þóknun stjórnar fyrir næsta kjörtímabil Aðalfundur SPRON hf. samþykkir að þóknun hvers stjórnarmanns skulu vera kr. 120.000,- á mánuði, kr. 210.000,- fyrir stjórnarformann og að varamenn hljóti 50.000 kr. fyrir hvern setinn fund. 7. Tillaga stjórnar um heimild til kaupa á eigin hlutum fyrir hönd félagsins Aðalfundur SPRON hf. samþykkti að veita stjórn heimild til þess að kaupa eigin hluti í félaginu eða taka þá að veði. Heimildin standi í 18 mánuði og takmarkist við að samanlögð kaup og veðsetning hluta fari ekki yfir 10% af heildarhlutafé félagsins á hverjum tíma. Kaupverð hluta skal vera lægst 10% lægra og hæst 10% hærra, en skráð kaup- og sölugengi í Kauphöll Íslands. Að loknum aðalfundi hélt ný stjórn SPRON hf. stjórnarfund og skipti með sér verkum. Erlendur Hjaltason var kjörinn stjórnarformaður og Ásgeir Baldurs varaformaður. |
|||
|