|
|||
2007-11-22 17:25:58 CET 2007-11-22 17:25:58 CET BIRTINGARSKYLDAR UPPLÝSNINGAR Landsbanki Íslands hf. - FyrirtækjafréttirFitch staðfestir lánshæfismatseinkunn Landsbankans sem A með stöðugum horfumLánshæfismatsfyrirtækið Fitch Rating hefur í dag staðfest óbreytta lánshæfiseinkunn Landsbankans sem: langtímaskuldbindingar A, skammtímaeinkunn F1, stuðningur 2 og fjárhagslegur styrkur B/C. Horfur lánshæfismatsins eru stöðugar. Í tilkynningunni tekur Fitch það fram að lánshæfismatseinkunnin endurspegli leiðandi stöðu Landsbankans á heimamarkaði, aukna fjölbreytni í tekjum bankans, varkár afskriftarframlög, góða eiginfjárstöðu og bættar fjármögnunarleiðir. Í matinu er einnig tekið tillit til þess að hlutabréfastöður bankans eru enn umtalsverðar og hugsanlegt umrót á innanlandsmarkaði og í annarri starfsemi tengdri fjármálamörkuðum. Sjá nánar í meðfylgjandi fréttatilkynningu frá Moody's. Frekari upplýsingar veita: Bankastjórar Landsbankans, Sigurjón Þ. Árnason s. 898 0177 og Halldór J. Kristjánsson í s. 820 6399 og Brynjólfur Helgason, framkvæmdastjóri Alþjóðasviðs í s. 820-6340. |
|||
|