|
|||
![]() |
|||
2008-04-03 11:29:53 CEST 2008-04-03 11:30:54 CEST REGULATED INFORMATION Nýsir hf. - Ársreikningur2007Stjórn Nýsis hf samþykkti á stjórnarfundi 2. apríl 2008, ársreikning samstæðunnar fyrir árið 2007. Fastafjármunir námu í árslok 48.718 milljónum kr. og veltufjármunir 4.756 milljónum kr. Eignir voru samtals 53.474 milljónir kr. Skuldir og skuldbindingar samstæðunnar námu 49.727 milljónum kr. og eigið fé í árslok er 3.747 milljónir kr. að meðtaldri hlutdeild minnihluta. Velta samstæðunnar á árinu var 9.254 milljónir kr., rekstrarhagnaður fyrir afskriftir, fjármagnsliði og skatta var 942 m kr. en að teknu tilliti til afskrifta, fjár¬magnsliða og skatta var tap samstæðunnar 2.343 m kr. Helstu lykiltölur úr samstæðuársreikningi 2007 eru birtar hér að neðan í þús. króna.: Sjá lykiltölur í viðhengi. Reksturinn á árinu 2007 Ársreikningur Nýsis hf er samstæðureikningur Nýsis hf og dótturfélaga. Rekstrarhagnaður fyrir afskriftir, fjármagnsliði og skatta var 942 m kr. en að teknu tilliti til afskrifta, fjár¬magnsliða og skatta var tap samstæðunnar 2.343 m kr. Orsök þess eru fjárfestingar í stórum verkefnum sem ekki gefa tekjur fyrr en á árunum 2008-2010. Þar eru stærst uppbygging tónlistar- og ráðstefnuhúss og fleiri bygginga við austurhöfnina í Reykjavík, einkaframkvæmd í 10 skólum í Aberdeen, bygging íbúða fyrir aldraða við Mörkina í Reykjavík, stækkun Egilshallar og kaup á togurum til fiskveiða við Marokkó. Í árslok eru dótturfélögin Nýsir fasteignir hf. (81,9%), Nýsir Services ehf. (100%), Stofn fjárfestingarfélag ehf. (100%), Nýsir international ehf. (100%), Nýsir UK Limited (100%), Nýsir þróunarfélag ehf. (100%), Mörkin eignarhaldsfélag ehf. (100%), Faenus ehf. (100%), Nysir Mediterranean Limited (100%) og Operon International hf. (100%). Dótturfélög Nýsis fasteigna ehf. sem eru að fullu í eigu félagsins eru: Grípir ehf., Þekkur ehf., Nýtak ehf., Iði ehf., Teknikum ehf., Engidalur ehf., Hafnarslóð ehf., Laugahús ehf., Fasteignafélag Austurbæjar ehf., Gránufélagið ehf., Borgarhöllin ehf. og Egilshöllin ehf. Dótturfélög Stofns fjárfestingarfélags eru Artes (100%), Faxafen (50%), Hraðbraut (50%), , Sjáland (67%), Midi.is (55,5%) , Salus (50%) og Heilsuakademían (60%) og Mostur (100%). Dótturfélag Mosturs er Laxnesbúið (70%). Dótturfélag Nýsis international ehf. er Nysir Danmark ApS. Í eigu Nysir Danmark ApS eru Jehl ApS Tietgens Have (100%) og Jehl ApS Atriumhuset (100%). Í eigu Nysir UK Limited eru NYOP Aberdeen Limited (100%), NYOP Ruthin Limited (100%) og IBSEC (Operon) (69%). Dótturfélög Nýsis þróunarfélags eru Golf ehf. (82,7%) og Viðskiptahöllin (100%). Eru öll ofangreind félög innifalin í samstæðureikningum. Helstu hlutdeildarfélög eru í Eignarhaldsfélaginu Portus ehf. (50%), Situs ehf. (50%), og Fasteignafélaginu Lækjarhlíð ehf (50%). Á árinu 2007 voru undirritaðir nokkrir mikilvægir samningar, auk þess sem unnið var að öflun nýrra verkefna. Þann 21. Desember s.l. voru undirritaðir samningar við borgarstjórn Aberdeen um byggingu og rekstur 10 skóla og 1 íþróttamiðstöðvar í einkaframkvæmd. Heildarfjárfesting vegna verkefnisins er áætluð um 16,5 milljarðar króna og dreifist á árin 2007-2010. Um er að ræða leigu- og rekstrarsamning til 30 ára, en að samningstíma loknum er mannvirkjunum skilað til borgarinnar. Samstarfsaðilar eru E. Pihl og Søn A/s, Landsbankinn og Operon. Mostur ehf., dótturfélag Nýsis, keypti allar fasteignir Háskólans í Bifröst í ágúst 2007. Um er að ræða skólahúsnæði í 5 samtengdum byggingum, alls 4.400 m2 að stærð, 11 starfsmannaíbúðir, alls 1.760 m2 og 90 íbúðir á nemendagörðum, alls 6.900 m2. Í heild er um að ræða rúmlega 12 þús. fermetra. Þetta var tímamótasamningur á sviði fjármögnunar og eignarhalds í skólarekstri á Íslandi. Mun Mostur leigja Háskólanum á Bifröst allar fasteignirnar, en skólinn á endurkauparétt á 5 ára fresti. Mostur mun sjá um endurbættur og viðhald á elstu húsum háskólans, sem mörg hver eru mikilvæg menntasögu landsins. Nýsir fasteignastjórnun mun svo sjá um daglegan rekstur skólans. Á sumardaginn fyrsta var Íþróttamiðstöðin Lágafell í Mosfellsbæ vígð. Eigandi mannvirkisins er Fasteignafélagið Lækjarhlíð ehf. sem er í jafnri eigu Mosfellsbæjar og Nýsis hf. Um rekstur Íþróttamiðstöðvarinnar sér Nýsir Services hf. Í Íþróttamiðstöðinni er íþróttasalur, útisundlaug, kennslusundlaug inni, líkamsræktarstöð, nuddstofa, gufuböð og kaffitería. Aðsókn hefur verið mjög góð frá opnun hússins. Á árinu var unnið að stækkun Egilshallar sem mun styrkja starfsemi hússins. Í nýrri 3.300 m2 álmu verður kvikmyndahús, keilusalur og nýtt anddyri. Sambíó verða með fjóra kvikmyndasali fyrir allt að 800 manns. Samhliða þessu verður lokið við að innrétta rými á fyrstu hæð Egilshallar sem ætluð eru fyrir ýmsa þjónustustarfsemi, veislusali og veitingar. Á nýju útisvæði norðan við Egilshöllina, er upphitaður gervigrasvöllur, ásamt þremur sparkvöllum og tveimur tennisvöllum. Við austurgafl hússins var byggð geymsla fyrir búnað. Framkvæmdum mun ljúka haustið 2008. Á árinu 2007 lauk byggingu 24 íbúða fyrir Gránufélagið á Akureyri og eru þær allar komnar í útleigu. Á árinu 2007 var haldið áfram með framkvæmdir við tónlistar- og ráðstefnuhúsið og aðra uppbyggingu við austurhöfnina í Reykjavík. Nýsir er 50% eignaraðili að Eignarhaldsfélaginu Portus ehf. sem er verkefnisfélag um tónlistar- og ráðstefnuhúsið og að Situs ehf. sem er verkefnisfélag um aðra uppbyggingu á svæðinu svo sem hótel, bílastæðakjallara, skrifstofu¬byggingar, verslunarhúsnæði, íbúðarhúsnæði o.fl. Um er að ræða byggingar sem í heild eru yfir 110 þús. m2. Samstarfsaðili Nýsis hf. í þessu verkefni er Landsbankinn fasteignafélag ehf. Breytingar á reikningsskilaaðferðum Félagið hefur skuldabréf skráð í Kauphöll Íslands og bar því samkvæmt lögum um ársreikninga að taka upp alþjóðlega reikningsskilastaðla í samstæðureikningsskilum sínum frá og með 1. janúar 2007. Breytingar vegna þess á afkomu og efnahag voru ekki verulegar þar sem samstæðan hefur metið fjárfestingareignir sínar á gangvirði með svipuðum hætti og heimilt er í alþjóðlegum reikningsskilastaðli nr. 40 um fjárfestingareignir (IAS 40). Framtíðaráform Félagið hefur tekist á hendur stór verkefni á sviði einkaframkvæmdar, fjárfestinga í fasteignum, fasteignastjórnunar og rekstrarverktöku, bæði innanlands og erlendis. Starfsemi félagsins eflist mjög í Bretlandi og Danmörku á starfsárinu. Vegna erfiðrar stöðu á alþjóðlegum fjármálamörkuðum hefur stjórn félagsins gert samning við Landsbanka Íslands um aðstoð við sölu á eignum, öflun nýs hlutafjár og fjárhagslega endur¬skipulagningu lána til að tryggja framgang þeirra verkefna sem félagið er með í þróun. Áætluð velta Nýsis hf og dótturfélaga á árinu 2008 mun verða 11-12 milljarðar króna. Nánari upplýsingar veita Stefán Þórarinsson, stjórnarformaður og Höskuldur Ásgeirsson, forstjóri félagsins í síma 540-6300. |
|||
|