|
|||
![]() |
|||
2017-03-02 18:20:33 CET 2017-03-02 18:20:33 CET REGLAMENTUOJAMA INFORMACIJA Heimavellir hf. - ÁrsreikningurHeimavellir hf.: Ársreikningur samstæðu 2016* Leigutekjur námu 1.495 m.kr. (2015: 512 m.kr.) * Rekstrarhagnaður fyrir matsbreytingu og afskriftir 655 m.kr. (2015: 119 m.kr.) * Hagnaður ársins var 2.217 m.kr. (2015: 63 m.kr.) * Eigið fé í árslok var 11.621 m.kr. (2015: 1.089 m.kr.) * Eiginfjárhlutfall var 26,9% í árslok 2016 (2015: 10,5%) * Eignasafn fjórfaldast milli ára og er 42.930 m.kr. í árslok 2016 (2015: 10.150 m.kr.) * Stjórnendur vænta þess að leigutekjur ársins 2017 verði ríflega 3.000 m.kr. miðað við núverandi eignasafn og áætlaðan afhendingartíma nýrra eigna. * Heimavellir leigufélag slhf. á 99,99% hlutafjár í Heimavöllum hf. Hlutafé Heimavalla leigufélags slhf. við árslok 2016 var 8.757 m.kr. Guðbrandur Sigurðsson framkvæmdastjóri Heimavalla: "Rekstur Heimavalla var í takt við væntingar stjórnenda á árinu. Vel hefur gengið að stækka félagið og efnahag þess sem er mikilvæg forsenda þess að hægt sé að skrá það á markaði síðar á þessu ári. Í árslok rak félagið 1.714 leiguíbúðir samanborið við 445 íbúðir í upphafi árs. Félagið rekur leiguíbúðir í öllum landshlutum og tekur þátt í að byggja upp skilvirkan og sanngjarnan leigumarkað á viðkomandi stöðum með öryggi leigjenda að leiðarljósi. Helstu verkefni ársins er að hlúa að núverandi eignasafni félagsins auk þess sem félagið leggur áherslu á frekari stækkun á höfuðborgarsvæðinu og er að skoða ýmsa spennandi möguleika þar að lútandi. Síðast en ekki síst er félagið að undirbúa sig fyrir skráningu í Kauphöll Íslands sem fyrirhuguð er á síðasta ársfjórðungi þessa árs. Stjórnendur vænta þess að leigutekjur ársins 2017 verði ríflega 3.000 m.kr. og að íbúðir í rekstri í árslok verði ríflega 2.000." Aðalfundur Heimavalla leigufélags slhf. eiganda Heimavalla hf. verður haldinn fyrir lok mars. Nánari upplýsingar veitir Guðbrandur Sigurðsson, framkvæmdastjóri, s: 896-0122 [] |
|||
|