Sparisjóður Bolungarvíkur - Ársreikningur

- 6 mánaða uppgjör 2008

Afkoma Sparisjóðs Bolungarvíkur á fyrri helmingi 2008
Tap 322 milljónir króna

Helstu niðurstöður árshlutareiknings Sparisjóðs Bolungarvíkur fyrir fyrstu 6
mánuði ársins 2008: 

•  Tap eftir skatta nam 322 milljónum króna samanborið við 231 milljón króna
   hagnað fyrstu sex mánuði ársins 2007. 

•  Fyrir skatta var afkoman neikvæð um 502 milljónum króna samanborið við 277
   milljón króna hagnað fyrir sama tímabil 2007.
•  Arðsemi eigin fjár eftir skatta var neikvæð um 33,9% samanborið við 37,5%
   arðsemi á sama tímabili 2007.
•  Hreinar vaxtatekjur námu 60,3 milljónum króna og jukust um 1,5% frá sama
   tímabili árið 2007. 

•  Vaxtamunur tímabilsins var 1,6% samanborið við 2,1% fyrir sama tímabil árið
   2007 og 1,7% fyrir allt árið 2007. 

•  Hreinar rekstrartekjur voru neikvæðar um 299 milljónir króna en voru jákvæðar
   um 395 milljónir króna á fyrri hluta árs 2007. 

•  Rekstrarkostnaður sem hlutfall af eignum var 1,2% samanborið við 1,3% fyrir
   fyrstu 6 mánuði ársins 2007. 

•  Virðisrýrnun útlána nam 90 milljónum króna samanborið við 26 milljónir króna
   fyrri hluta árs 2007. 

•  Afskriftarreikningur lána og krafna nam í lok júní 2008 4,8% af útlánum og
   veittum ábyrgðum en var 4,1% í árslok 2007 og 4,3% í lok júní 2007. 

•  Heildareignir námu 9.517 milljónum króna í lok júní 2008 og hafa aukist um
   2,8% frá árslokum 2007l •  Útlán til viðskiptamanna námu 6.092 milljónum króna í lok júní 2008 og jukust
   um 19,9% frá árslokum 2007. 

•  Innlán námu 3.477 milljón króna í lok júní 2008 sem er 6,2% aukning frá
   árslokum 2007. 

•  Eigið fé nam 1.531 milljónum króna í lok júní 2008 og lækkar um 23,7% frá
   árslokum 2007. 

•  Eiginfjárhlutfall samkvæmt reglum um fjármálafyrirtæki var 10,11% í lok
   tímabilsins. 

•  Meðalfjöldi starfsmanna sparisjóðsins á tímabilinu var 13 samanborið við 14
   starfsmenn á sama tímabili 2007. 

Árshlutareikningur Sparisjóðs Bolungarvíkur fyrir fyrstu sex mánuði ársins 2008
ber þess merki að aðstæður á fjármálamörkuðum hafa verið erfiðar á tímabilinu.
Til að mæta neikvæðri þróun á hlutabréfamörkuðum og versnandi efnahagsástandi
hefur sparisjóðurinn fært varúðarfærslur til lækkunar á eignasafni sínu. 
Horfur fyrir seinni hluta ársins 2008 eru nokkuð góðar að því gefnu að
markaðsaðstæður versni ekki mikið frá því sem orðið er og ekki þurfi að
framkvæma frekari varúðarfærslur á eignasafni sparisjóðsins. 

Nánari upplýsingar veitir Ásgeir Sólbergsson, sparisjóðsstjóri, netfang:
asgeir@spbol.is í síma 450-7100.

Attachments:

sparisjodurbolungarvikurjuni2008.pdf

spb -fréttatilk árshlutauppgj 2008.pdf