2008-02-12 17:51:31 CET

2008-02-12 17:52:32 CET


REGULATED INFORMATION

Islandic English
Marel Food Systems hf. - Ársreikningur

2007 - Hagnaður ársins 6,1 milljón evra


Hagnaður ársins 6,1 milljón evra


Árið 2007

•  Sala ársins 2007 nam 290 milljónum evra samanborið við 209 milljónir  sem er
   um 39% aukning frá fyrra ári.  Proforma vöxtur sölu á tímabilinu var um
   4,5%. Á föstu gengi milli evru og Bandaríkjadollars er proforma aukning 6,1%
•  Hagnaður ársins 2007 nam 6,1 milljón evra samanborið við 0,2 milljónir árið
   2006. 

•  Rekstrarhagnaður EBIT á árinu 2007 var 10,0 milljónir en 7,5 milljónir árið
   áður.  Gjaldfærður einskiptiskostnaður vegna samþættingar nam um 5 milljónum
   evra á fyrri hluta ársins. Rekstrarhagnaður EBIT, fyrir einskiptiskostnað var
   5,2% af sölu (15 milljónir) og 3,6% árið áður. 

•  Veltufé frá rekstri nam 13,0 milljónum evra.  Á árinu 2006 var það  2,7
   milljónir. 

•  Hagnaður af hlutabréfum í Stork 4,6 milljónir evra

•  Handbært fé í lok tímabilsins nam 30,4 milljónum evra en var 63,1 milljón í
   lok árs 2006.  Breytingu má rekja til kaupa á hlutafé í Stork NV og
   aukningar á hlutafé félagsins.  Öll hlutabréf í Stork voru seld þann 17.
   janúar og skilaði það Marel Food Systems 53 milljónum evra eftir uppgreiðslu
   skulda. 
•  Hlutafé í Marel Food Systems selt fyrir 34,6 milljónir evra á árinu 2007 þar
   sem íslenskir lífeyrissjóðir bættust í hóp huthafa með öflugum hætti.
•  Eigið fé nam 182 milljónum evra samanborið við 144 milljónir árið áður og
   eiginfjárhlutfall var 42,5% í lok árs 2007. 

•  Samningum lokið um kaup félagsins á Stork Food Systems fyrir 415 milljónir og
   eru þau að fullu fjármögnuð.  Beðið er samþykkis samkeppnisyfirvalda í
   Evrópu. 

Fjórði ársfjórðungur 2007

•  Sala fjórða ársfjórðungs 2007 nam 78,9 milljónum evra samanborið við 71,9
   milljónir á sama tíma árið áður.  Salan jókst því um 9,7% á milli ára.   Á
   föstu gengi er aukningin 11,8% 

•  Hagnaður tímabilsins nam 3,4 milljónum evra  samanborið við 0,5 milljóna evra
   tap 2006.+
•  Rekstrarhagnaður  EBIT á timabilinu október til desember 2007 var 1,6
   milljónir evra sem er 2,0% af tekjum samanborið við 1,1 milljón í fyrra.
•  Hlutabréf í hollenska fyrirtækinu Stork NV eru færð á markaðsvirði og koma
   fram í 5,1 milljón evra hagnaði í hlutdeildarfélagi á fjórða ársfjórðungi. 


Hörður Arnarson, forstjóri:

“Árið 2007 einkenndist af umfangsmikilli samþættingu Marel, Scanvægt,
AEW/Delford og Carnitech.  Samningar voru undirritaðir um kaup á Stork Food
Systems í nóvember síðastliðnum.  Við sameiningu Stork og Marel mun Marel
samstæðan hafa nánast fimmfaldað stærð sína frá því ný stefna fyrirtækisins var
kynnt í upphafi ársins 2006. Megináherslur eru nú á innri vöxt og bætta afkomu. 
Samþætting fyrirtækjanna hefur í megin atriðum gengið vel og félagið haldið
markaðshlutdeild á hratt vaxandi markaði.  Það eru vonbrigði að þau
samlegðaráhrif sem unnið hefur verið að hafa enn ekki haft merkjanleg áhrif á
afkomu félagsins.  Nú er reiknað með að rekstrarhagnaður félagsins á árinu 2008
verði um 8%, en hafi náð 10% fyrir lok ársins.  Þessi áætun er án áhrifa af
Stork Food Systems. Tekjur af kjarnastarfsemi Stork Food Systems á árinu 2007
námu um 300 milljónum evra og rekstrarhagnaður 10,6%.  Gert er ráð fyrir
áframhaldandi öflugum innri vexti og góðri afkomu af kjarnastarfsemi Stork Food
Systems”. 

Horfur

Stór hluti samþættingaverkefna hefur skilað tilætluðum árangri, en ljóst er að
nokkur verkefni hafa skilað umtalsverðum neikvæðum áhrifum.  Á það bæði við um
rekstrareiningar í sölukerfi og vöruflokka. Unnið er að því að endurskipuleggja
þessi verkefni til að tryggja viðunandi árangur. 

Markmið félagsins að ná a.m.k. 10% rekstrarhagnaði (EBIT) er óbreytt og er nú
reiknað með að það náist á árinu 2009.  Gert er ráð fyrir að rekstrarhagnaður
ársins 2008 verði um 8% af veltu.  Á fyrri hluta ársins 2008 er áætlað að
rekstrarhagnaður verði nokkru minni en fyrir árið í heild.  Þessar áætlanir eru
án áhrifa af Stork Food Systems.  Kjarnastarfsemi Stork Food Systems velti á
síðasta ári um 300 milljónum evra og skilaði 10,6% rekstrarhagnaði.  Gert er
ráð fyirr áframhaldandi sterkum innri vexti og góðri afkomu af kjarnastarfsemi
Stork Food Systems. 

Framundan eru spennandi tímar þar sem megin áhersla er lögð á bætta arðsemi og
öflugan innri vöxt byggðan á vöruþróun og markaðssókn inn á nýja markaði. 

Ársreikningur Marel Food Systems hf fyrir árið 2007 var samþykktur á
stjórnarfundi í dag, 12. febrúar 2008. 

Samstæða Marel Food Systems samanstendur af 32 fyrirtækjum með starfsemi í 22
löndum. 

Kynningarfundur
Marel Food Systems boðar til kynningarfundar um afkomu félagsins miðvikudaginn
13. febrúar 2008 kl. 8:30 í húsnæði félagsins að Austurhrauni 9 í Garðabæ. 
Birtingardagar fyrir reikningsárið 2008 og aðalfundur 2009 

Aðalfundur Marel Food Systems hf 7. mars 2008

Birtingardagar fyrir reikningsárið 2008:
1.	ársfjórðungur	6. maí 2008
2.	ársfjórðungur	12. ágúst 2008
3.	ársfjórðungur	4. nóvember 2008
4.	ársfjórðungur og ársuppgjör 2008	10. febrúar 2009
Aðalfundur Marel Food Systems hf	10. mars 2009



Frekari upplýsingar veitir:

Hörður Arnarson, forstjóri 			Sími: 563-8000