Fjarskipti hf. - Heildarfjöldi atkvæða og heildarfjöldi hluta

Fjarskipti hf. : Lækkun hlutafjár í Fjarskiptum hf.

Þannn 19. mars síðastliðinn var samþykkt á aðalfundi Fjarskipta hf., sbr.
tilkynningu til kauphallar sama dag, að hlutafé félagsins skyldi lækkað um kr.
46.261.100 að nafnverði, eða sem nemur 4.626.110 hlutum, á grundvelli VIII.
kafla laga nr. 2/1995, um hlutafélög, til jöfnunar eigin hluta.

Lagaskilyrðum fyrir lækkun hlutafjárins hefur nú verið fullnægt. Hlutafé
félagsins hefur því verið lækkað úr kr. 3.407.649.990 í kr. 3.361.388.890 að
nafnverði, og nemur þá alls 336.138.889 hlutum.

Lækkunin tekur einvörðungu til eigin hluta félagsins sem það hafði eignast með
kaupum á markaði undanfarin misseri, í samræmi við samþykkta endurkaupaáætlun
stjórnar sem aðalfundur 2014 veitti heimild fyrir. Miðast lækkunin við stöðu
endurkaupa við lok síðasta reikningsárs.

Niðurfærslan hefur ekki áhrif á hlutafé í eigu annarra hluthafa en félagsins
sjálfs.


[HUG#1912812]