HB Grandi hf. - Minutes of extraordinary general meeting (is)

HB Grandi hf. - Niðurstöður aðalfundar haldinn 29. apríl 2011.

Aðalfundur samþykkti samhljóða bæði ársreikning félagsins og skýrslu stjórnar.

Fundurinn samþykkti eftirfarandi tillögur:

Tillaga um greiðslu arðs

Aðalfundur HB Granda hf. haldinn 29. apríl 2011 samþykkir að greiddur verði 20%
arður (0,20 kr. á hlut) vegna ársins 2010, alls að fjárhæð 339.606.745 kr.
Arðurinn verði greiddur 13. maí 2011. Síðasti viðskiptadagur þar sem arður
fylgir bréfunum er 29. apríl 2011, þ.e. viðskipti á þeim degi koma fram í
hlutaskrá félagsins á arðsréttindadeginum  4. maí 2011. Arðleysisdagur er 2.
maí 2011. 



Tillaga um þóknun til stjórnarmanna

Þóknun til stjórnarmanna fyrir liðið ár er kr. 800.000, formaður fái þrefaldan
hlut. 



Kosning endurskoðanda

Endurskoðunarfélag: KPMG ehf.



Tillaga um að stjórn fái heimild til kaupa á eigin hlutum

Aðalfundur veitir stjórn félagsins heimild til að kaupa eigin hluti í félaginu.
Heimild þessi stendur í 18 mánuði og takmarkast við að samanlögð kaup fari ekki
yfir 10% af heildarhlutafé félagsins á hverjum tíma. Kaupgengi hluta skal miða
við síðasta skráða dagslokagengi á markaði áður en samningur er gerður. 



Tillaga um breytingar á samþykktum

                                     14.gr.

Stjórn félagsins skal kveðja til hluthafafundar, þegar hún telur þess þörf, svo
og samkvæmt fundarályktun eða þegar endurskoðandi eða hluthafar, sem ráða yfir
minnst 1/20 hlutafjárins, krefjast þess skriflega. 

14. gr. samþykkta verði að öðru leyti óbreytt



Kjör stjórnar

Sjálfkjörið var í stjórn félagsins.

Aðalmenn: Árni Vilhjálmsson, Kristján Loftsson, Halldór Teitsson, Hjörleifur
Jakobsson og Iða Brá Benediktsdóttir 

Varamaður: Hanna Ásgeirsdóttir

Attachments:

HB Grandi hf_Arsskyrsla2010.pdf