Nýherji hf. - Fyrirtækjafréttir

Nýherji hf. eykur hlutafé um allt að 40 milljónir hluta

Stjórn Nýherja hf. hefur ráðið Kviku banka hf til að annast lokað
hlutabréfaútboð til hæfra fjárfesta 

Stjórn Nýherja hf. (NYHR:IC) hefur í dag ákveðið að bjóða út allt að 40
milljónir hluta eða um 9,76% í lokuðu hlutafjárútboði til hæfra fjárfesta. 
Stjórn hefur jafnframt gert samkomulag við Kviku banka hf. um að annast
útboðið. 

Stjórn félagsins mun nýta heimild til hlutafjárhækkunar sem samþykkt var á
aðalfundi þann 14. mars 2014, þar sem hluthafar félagsins féllu frá
forgangsrétti að hinum nýju hlutum. 

Markmið með útboðinu er að styrkja eigið fé Nýherjasamstæðunnar og styðja enn
frekar við lausnaþróun og  þann tekjuvöxt sem hefur verið hjá félaginu síðustu
misseri. 

Unnið er að útfærslu skilmála og sölufyrirkomulagi. Gert er ráð fyrir að
útboðinu verði lokið í desember 2015. Nánari upplýsingar verða sendar til
kauphallar þegar niðurstöður útboðsins liggja fyrir. 



NÝHERJI HF.

Nýherji hf.(NASDAQ OMX: NYHR.IC) er samstæða fyrirtækja í upplýsingatækni.
Nýherji er þjónustufyrirtæki og hlutverk þess felst í að aðstoða viðskiptavini
að ná enn betri árangri í sínum rekstri með aðstoð upplýsingatækni,
sérfræðiþekkingu starfsfólks og lipurri þjónustu. Hjá móðurfélaginu starfa 250
manns en hjá samstæðunni um 500. Dótturfélög Nýherja eru TM Software, TEMPO og
Applicon, á Íslandi og í Svíþjóð. Nýherji er skráð í Kauphöll Íslands. Nánari
upplýsingar er að finna á www.nyherji.is 



Nánari upplýsingar

Finnur Oddsson forstjóri í síma 862-0310 eða fo@nyherji.is og Gunnar Petersen
framkvæmdarstjóri fjármálasviðs í síma 825-9001 eða gp@nyherji.is. 





Til athugunar fyrir fjárfesta

Nýherji vekur athygli á því að staðhæfingar sem finna má í þessari
fréttatilkynningu kunna að vera byggðar á mati og áætlunum stjórnenda félagsins
en ekki á staðreyndum sem hægt er að sannreyna af birtingu tilkynningarinnar.
Eðli málsins samkvæmt fela slíkar staðhæfingar í sér óvissu. Athygli fjárfesta
er vakin á því að margir þættir geta haft þau áhrif að rekstrarumhverfi
félagsins og afkoma verði með öðrum hætti en forsendur gera ráð fyrir í
tilkynningunni. Þessi tilkynning verður ekki endurskoðuð eftir birtingu hvað
þetta varðar. Staðhæfingar sem finna má í þessari fréttatilkynningu gilda
eingöngu á því tímamarki þegar fréttatilkynningin er birt og takmarkast gildi
þeirra við það sem segir í fyrirvara þessum.