|
|||
2022-12-02 17:52:03 CET 2022-12-02 17:52:03 CET REGULATED INFORMATION Eik fasteignafélag hf. - Aðrar upplýsingar sem birtar eru í samræmi við reglur KauphallarinnarEik fasteignafélag hf.: Niðurstaða skuldabréfaútboðs 2. desember 2022Útboði Eikar fasteignafélags hf. á nýjum skuldabréfaflokki EIK 25 1 er lokið. Um er að ræða nýjan skuldabréfaflokk, sem er óverðtryggður og veðtryggður með tryggingasafni félagsins. Flokkurinn ber fasta 7,67% ársvexti, en greiðslur vaxta fara fram einu sinni á ári. Allur höfuðstóll flokksins greiðist með einni greiðslu á lokagjalddaga hans þann 9. desember 2025. Alls bárust tilboð að fjárhæð 2.340 milljónir króna að nafnverði. Ákveðið var að taka tilboðum að fjárhæð 2.340 milljónum króna að nafnverði á ávöxtunarkröfunni 7,67%, en salan fór fram á fastri ávöxtunarkröfu. Uppgjörsdagur viðskiptanna er fyrirhugaður föstudaginn 9. desember 2022, og verður óskað eftir að skuldabréfin verði tekin til viðskipta á Nasdaq Iceland í kjölfarið. Íslandsbanki hafði umsjón með útgáfu og sölu skuldabréfanna sem og töku þeirra til viðskipta á markaði Nasdaq Iceland. Nánari upplýsingar veitir: Lýður Heiðar Gunnarsson, framkvæmdastjóri fjármálasviðs, lydur@eik.is, s: 590-2209 / 820-8980. |
|||
|