|
|||
![]() |
|||
2016-04-28 18:34:57 CEST 2016-04-28 18:34:57 CEST REGULATED INFORMATION Síminn hf. - ÁrsreikningurSíminn hf. - Harðnandi samkeppni og hagræðing hjá SímanumHelstu niðurstöður í rekstri fyrsta ársfjórðungs 2016 -- Tekjur á fyrsta ársfjórðungi 2016 námu 6.882 milljónum króna samanborið við 7.133 milljónir króna á sama tímabili 2015. -- Rekstrarhagnaður fyrir afskriftir og fjármagnsliði EBITDA nam 1.605 milljónum króna á fyrsta ársfjórðungi 2016 samanborið við 1.961 milljónir króna á sama tímabili 2015. EBITDA hlutfallið er 23,3% fyrir fyrsta ársfjórðung 2016 en var 27,5% á sama tímabili 2015. -- Hagnaður á fyrsta ársfjórðungi 2016 nam 310 milljónum króna samanborið við 792 milljónir króna á sama tímabili 2015. -- Handbært fé frá rekstri án vaxta og skatta nam 1.333 milljónum króna á fyrsta ársfjórðungi 2016 en var 2.452 milljónir króna á sama tímabili 2015. Eftir vexti og skatta nam handbært fé frá rekstri 896 milljónum króna á fyrsta ársfjórðungi 2016 en 1.841 milljónum króna á sama tímabili 2015. -- Vaxtaberandi skuldir námu 24,0 milljörðum króna í lok fyrsta ársfjórðungs 2016 en voru 24,2 milljarðar í árslok 2015. Hreinar vaxtaberandi skuldir voru 20,2 milljarðar króna í lok fyrsta ársfjórðungs 2016. -- Hrein fjármagnsgjöld námu 296 milljónum króna á fyrsta ársfjórðungi 2016 en voru 123 milljónir króna á sama tímabili 2015. Fjármagnsgjöld námu 435 milljónum króna, fjármunatekjur voru 124 milljónir króna og gengishagnaður 15 milljónir króna. -- Eiginfjárhlutfall Símans hf. var 53,1% í lok fyrsta ársfjórðungs 2016 og eigið fé 33,1 milljarðar króna. Orri Hauksson, forstjóri: „Að baki eru viðburðaríkir mánuðir. Teknar voru mikilvægar ákvarðanir sem renna styrkari stoðum undir Símann til framtíðar á líflegum íslenskum fjarskiptamarkaði. Fyrsti ársfjórðungur var krefjandi og styrkir okkur í trúnni um að viðskiptavinurinn sækist í auknum mæli eftir nýjungum, þjónustu og virði. Tekjur Símans af gagnaflutningi og upplýsingatækni jukust áfram. Sala auglýsinga á SkjáEinum í opinni dagskrá reyndist torsótt á fyrsta ársfjórðungi, en heldur horfir nú til betri vegar þar. Við umbreyttum vöruúrvali okkar síðastliðið haust sem lækkaði áskriftartekjur í sjónvarpi um hríð, en við erum ánægð að sjá að áskrifendur að gagnvirkri áskriftarþjónustu hjá Símanum eru nú orðnir fleiri en voru áður að hinni línulegu áskriftarsjónvarpsstöð SkjáEinum. Sjónvarpsvörur okkar fá aukinn kraft á næstu vikum þegar þjóðin fer á EM í Frakklandi með Símanum. Verðsamkeppni harðnaði, sérstaklega á farsímamarkaðinum, auk þess sem ófyrirséðar launahækkanir vegna svokallaðs SALEK-samkomulags juku kostnað samstæðunnar umtalsvert í einu vetfangi. Við réðumst því í að stilla liðsheildinni upp að nýju með hagræðingu í huga um leið og sett var skarpari áhersla á vöruþróun og framtíðartekjur. Á þessum fyrsta ársfjórðungi hefur stöðugildum innan samstæðunnar fækkað um nær 80 og telur sala á dótturfélögunum Staka og Talenta rúman þriðjung þar af. Hækkun milli ára á öðrum rekstrarkostnaði skýrist helst af þeim veigamiklu breytingum á starfsmannahaldi sem hafa verið gerðar sem lækka kostnað fram á við. Afkomuspá okkar fyrir árið 2016 er óbreytt frá því sem tilkynnt var um í upphafi árs. Horfur næst stærsta dótturfélags Símans, Sensa, eru góðar út árið. Auk þess mun það stærsta, Míla, nýta innviði sína til þess að fjölga enn hraðari tengingum á næstu mánuðum. Verkefni samstæðunnar næstu mánuði eru afar spennandi.“ Nánari upplýsingar um uppgjörið veita: Orri Hauksson, forstjóri Símans, s. 550-6003 (orri@siminn.is) Óskar Hauksson, fjármálastjóri Símans s. 550-6003 (oskarh@siminn.is) |
|||
|