Fossar fjárfestingarbanki hf. - Aðrar upplýsingar sem birtar eru í samræmi við reglur Kauphallarinnar

Fossar fjárfestingarbanki hf.: Útboð á víxlum 22. maí 2024

Fossar fjárfestingarbanki hf. efnir til útboðs á víxlum miðvikudaginn 22. maí 2024.

Boðnir verða til sölu víxlar í 6 mánaða flokki FOS 24 1129 með lokagjalddaga þann 29. nóvember 2024. Útboðið verður með hollenskri aðferð, þ.e. öll samþykkt tilboð bjóðast fjárfestum á hæstu samþykktu flötu vöxtum sem tekið er. Nafnverðseining víxlanna er 20 m.kr. og er útboðið því undanþegið gerð lýsingar á grundvelli c- og d-liðar 4. mgr. 1. gr. lýsingarreglugerðar ESB nr. 2017/1129. Bankinn áskilur sér rétt til þess að samþykkja öll tilboð, hafna öllum tilboðum eða taka tilboðum að hluta. Tilkynnt verður um niðurstöðu útboðsins og úthlutun til fjárfesta þegar niðurstaða liggur fyrir þó eigi síðar en fyrir opnun markaða fimmtudaginn 23. maí.  

Tilboðum, þar sem fram koma upplýsingar um tilboðsfjárhæð og flata vexti, skal skilað til Fossa fjárfestingarbanka fyrir kl. 17:00, miðvikudaginn 22. maí 2024, á netfangið utbod@fossar.is.

Sótt verður um töku víxlanna til viðskipta á aðalmarkaði Nasdaq Iceland. Grunnlýsing, endanlegir skilmálar og önnur skjöl er varða útgáfu flokksins og umsókn um töku víxlanna til viðskipta í Kauphöll verða þá birt á vefsíðu bankans: www.fossar.is/fjarfestar. Uppgjörsdagur viðskiptanna er 30. maí 2024.

Nánari upplýsingar veita:

Ásgrímur Gunnarsson
Fossar fjárfestingarbanki hf.
Sími: 522-4000
Netfang: asgrimur.gunnarsson@fossar.is

Ernir Jónsson
Fossar fjárfestingarbanki hf.
Sími: 522-4000
Netfang: ernir.jonsson@fossar.is