|
|||
2015-02-04 18:28:12 CET 2015-02-04 18:29:15 CET REGULATED INFORMATION Marel hf. - ÁrsreikningurMarel kynnir afkomu ársins 2014- Markviss markaðssókn samhliða einföldun rekstrar(Allar upphæðir í evrum) 4F 2014 - Söluhæsti fjórðungur frá upphafi og sterkt sjóðstreymi -- Tekjur á fjórða ársfjórðungi 2014 námu 200,0 milljónum evra [4F 2013: 168,2m]. -- Leiðrétt EBITDA* á fjórða ársfjórðungi var 28,1 milljónir evra sem er 14,1% af tekjum. EBITDA var 21,0 milljónir evra sem er 10,5% af tekjum [4F 2013: 14,1m]. -- Leiðréttur rekstrarhagnaður* (adj. EBIT) á fjórða ársfjórðungi var 16,1 milljónir evra, sem er 8,0% af tekjum. EBIT var 8,5 milljón evra sem er 4,2% af tekjum [4F 2013: 7,4m]. -- Hagnaður fjórða ársfjórðungs 2014 nam 3,0 milljónum evra [4F 2013: 3,7m]. Hagnaður á hlut var 0,41 evru sent [4F 2013: 0,50 evru sent á hlut]. -- Handbært fé frá rekstri fyrir fjármagnsliði og skatta nam 32,7 milljónum evra á fjórða ársfjórðungi 2014 [4F 2013: 34,7 milljónir evra]. Nettó vaxtaberandi skuldir í lok fjórðungsins námu 174,3 milljónum evra [4F 2013: 217,1 milljónir evra]. 2014 - Markviss markaðssókn samhliða einföldun rekstrar -- Tekjur ársins 2014 námu 712,6 milljónum evra og hækkuðu um 7,7% frá fyrra ári. [2013: 661,5m]. -- Leiðrétt EBITDA* var 83,7 milljónir evra sem er 11,7% af tekjum. EBITDA var 66,7 milljónir evra sem er 9,4% of tekjum [2013: 69,4m]. -- Leiðréttur rekstrarhagnaður * (e. adj.EBIT) árið 2014 var 48,8 milljónir evra sem er 6,8% af tekjum. EBIT var 29,2 milljónir evra sem er 4,1% af tekjum [2013: 42,9m]. -- Hagnaður ársins 2014 nam 11,7 milljónum evra [2013: 20,6m]. Hagnaður er litaður af einskiptiskostnaði í tengslum við hagræðingu í rekstri á árinu 2014. Hagnaður á hlut nam 1,60 evru sent [2013: 2,81 evru sent]. -- Handbært fé frá rekstri fyrir fjármagnsliði og skatta nam 102,2 milljónum evra [2013: 80,3m]. Nettó vaxtaberandi skuldir í lok ársins námu 174,3 milljónum evra [2013: 217,1m]. Marel náði 7,7% tekjuvexti á árinu og leiðréttur rekstrarhagnaður nam 48,8 milljónum evra sem er í takti við áætlun félagsins fyrir tímabilið. Pantanabókin stendur í 175 milljónum við upphaf ársins samanborið við 132 milljónir evra í upphafi ársins 2014. Marel gerir ráð fyrir áframhaldandi innri vexti 2015 og góðri aukningu í rekstrarhagnaði og afkomu eftir skatt. Megináherslan er sem fyrr, á aukna skilvirkni í markaðssókn og rekstri með það að markmiði að rekstrarhagnaður ársins 2017 verði yfir 100 milljónum evra. Árni Oddur Þórðarson, forstjóri:"Fjórði ársfjórðungur var góður fyrir Marel með metveltu og sölu. Í fjórðungnum jókst sala um 19% og nýjar pantanir um 27% frá sama tímabili fyrra árs. Árið 2014 var ár framfara og breytinga hjá Marel. Árið fór rólega af stað en með vorinu varð sjáanlegur viðsnúningur með markvissri markaðssókn samhliða aukinni skilvirkni í rekstri. Gott jafnvægi er á milli uppbyggingaverkefna fyrir viðskiptavini, (e. Greenfield) endurnýjunarverkefna og viðhaldsverkefna og þá er landfræðileg dreifing verkefna góð. Það er meðbyr á mörkuðum, sérstaklega í Norður-Ameríku sem nær að vega á móti umróti í Austur- Evrópu og öðrum löndum sem reiða sig á hrávöru. Áætlun okkar um einfaldara og skilvirkara Marel, nær til tveggja ára og nú hefst síðari hluti þeirrar vegferðar. Hagræðing rekstrar er á áætlun og samhliða erum við einnig að fjárfesta í vexti til framtíðar í gegnum nýsköpun og fjárfestingu í innviðum sem munu styðja við félagið til framtíðar. Við erum á réttri leið eins og bætt rekstarafkoma á síðari hluta ársins 2014 sýnir og við erum bjartsýn í upphafi árs 2015. Staða pantana er góð, markviss skref til lækkunar á kostnaðargrunni hafa verið tekin og við stefnum á góðan innri vöxt og aukinn hagnað á árinu 2015 samanborið við fyrra ár.“ Einfaldara og skilvirkara Marel Áætlun um einfaldara og skilvirkara Marel er tveggja ára hagræðingarverkefni sem hófst í ársbyrjun 2014. Verkefnið gengur samkvæmt áætlun og stefnt er að því að þjónusta viðskiptavini betur og auka arðsemi félagsins með það að markmiði að rekstrarhagnaður ársins 2017 verði yfir 100 milljónum evra. Markmiðið er að mæta þörfum viðskiptavina með skilvirkari hætti og lækka árlegan kostnaðargrunn félagsins um 25 milljónir evra. Áætlaður heildarkostnaður til greiðslu vegna hagræðingaraðgerða er 25 milljónir evra á tímabilinu 2014-2015 en kostnaður í rekstrarreikningi getur ekki verið að fullu metin á þessum tímapunkti. Á árinu 2014 var ráðist í aðgerðir sem gert er ráð fyrir að muni lækka árlegan kostnaðargrunn félagsins um 14 milljónir evra. Einskiptiskostnaður til greiðslu nemur 14 milljónum evra. Heildareinskiptiskostnaður í rekstrarreikningi á sama tímabili nemur 19,6 milljónum evra og er mismunurinn m.a. tilkomin vegna endurmats eigna. Einskiptiskostnaður vegna aðgerða í fjórða ársfjórðungi nam 7,6 milljónum evra þar af eru 6,5 milljónir evra til greiðslu. Marel er að hagræða í rekstri félagsins og hámarka framleiðslukerfi sitt samhliða því sem verið er að fjárfesta í framtíðarvexti í gegnum nýsköpun og fjárfestingu í innviðum. Samhliða því að auka skilvirkni í rekstri hefur Marel tekist að skerpa á markaðssókn sem hefur skilað aukinni sölu með sterku sjóðstreymi sem hefur skilað sér í að vaxtaberandi skuldir/EBITDA stóðu í 2,08 í árslok 2014 borið saman við 3,13 í árslok 2013. Til viðbótar við einskiptiskostnað í tengslum við hagræðingarverkefnið einfaldara og skilvirkara Marel er einskiptiskostnaður í tengslum við sölu-, stjórnunar- og nýsköpunarkostnað. Aðgerðir til hagræðingar í rekstri 2014: • Breytingar á skipulagi kjötiðnaðar þar sem þrjár einingar voru sameinaðar sem skilar betri nýtingu í nýsköpunar- og sölustarfsemi félagsins. • Flutningur á starfsemi í laxaiðnaði frá Norresundsby til Stovring í Danmörku. Flutningnum var að fullu lokið í öðrum ársfjórðungi 2014 og frá og með þriðja ársfjórðungi hefur starfsemi Marel í laxaiðnaði verið rekinn með auknum afköstum og skilvirkni. • Endurskipulagning á starfsemi Marel í Hollandi og flutningur á starfsemi frá Oss til Boxmeer. Aðgerðinni var að fullu lokið fyrir árslok 2014 og mun auka skilvirkni í nýsköpun og sölu til framtíðar. • Lokun á framleiðslueiningu Marel í Singapore. Einingunni verður að fullu lokað fyrir mitt ár 2015. Marel mun í samstarfi við leiðandi framleiðendur bjóða áfram frysta í vörulínum sínum. • Hagræðing á starfsemi Marel í fullvinnslu. Hagræðingaraðgerðum verður haldið áfram á árinu. Í janúar tilkynnti Marel að framleiðslustarfsemi félagsins í Des Moines, Iowa verður sameinuð starfseiningu félagsins í Gainesville, Georgíu. Markmiðið með þessum fyrirhuguðu breytingum er samþætting í rekstri starfseininganna sem mun styrkja samkeppnisstöðu félagsins. Aðgerðin er til samræmis við þá stefnu félagsins að hámarka framleiðslukerfið og auka áherslu á stærri einingar þar sem mismunandi iðnaðir koma saman undir einu þaki. Flutningar á framleiðslustarfsemi frá Des Moines til Gainesville hófust í janúar 2015 og verður þeim að fullu lokið fyrir árslok 2015. Fastráðnir starfsmenn eru 3.800 í árslok 2014 samanborið við 4.000 í ársbyrjun. Til þess að vega á móti sveiflum í eftirspurn eru tímabundnir starfsmenn ráðnir og var fjöldi þeirra 250 við árslok samanborið við 130 í ársbyrjun. Þetta endurspeglar aukna sölu og góða stöðu pantanabókar. Lokun á framleiðslueiningu í Singapore og samþætting rekstrar í Bandaríkjunum munu hafa í för með sér frekari fækkun starfsmanna eins og áður hefur verið tilkynnt. Tillaga um arðgreiðslu Á aðalfundi ársins 2015, sem haldinn verður 4. mars næstkomandi, mun stjórn Marel leggja til að hluthafar fái greidd 0,48 evru sent í arð á hlut fyrir rekstrarárið 2014. Miðað við fjölda útistandandi hluta nú nemur fyrirhuguð heildararðgreiðsla um 3,5 milljónum evra, sem samsvarar um 30% af nettó hagnaði ársins. Arðgreiðslutillaga þessi er í samræmi við markmið um fjármagnsskipan og arðgreiðslustefnu félagsins. Verði tillagan samþykkt af hluthöfum félagsins, munu hlutabréf sem skipta um hendur frá og með 5. mars 2015 (e. ex-date = arðleysisdagur) verða án arðsréttinda og réttur hluthafa til arðgreiðslu verður miðaður við hlutaskrá félagsins í lok viðskipta hinn 6. mars 2015 sem yrði arðsréttindadagur (e. record date). Stjórn Marel leggur til að arður verði greiddur út hinn 27. mars 2015 (e. payment date). Horfur Byggt á góðri stöðu pantana við upphaf ársins 2015 og meðbyr á mörkuðum gerir Marel gerir ráð fyrir áframhaldandi innri vexti 2015 og góðri aukningu í rekstrarhagnaði og afkomu eftir skatt. Megináherslan er sem fyrr, á aukna skilvirkni í markaðssókn og rekstri með það að markmiði að rekstrarhagnaður ársins 2017 verði yfir 100 milljónum evra. Til meðal og lengri tíma litið, telur Marel að nýsköpun og sterk markaðsstaða um allan heim í öllum iðnuðum félagsins muni skila góðum vexti og aukinni arðsemi. Framtíðarhorfur eru góðar og gert er ráð fyrir því að markaðsvöxtur nemi 4-6% á næstu árum. Markmið Marel er að halda áfram að vaxa hraðar en markaðurinn. Engu að síður má gera ráð fyrir að afkoman verði breytileg milli ársfjórðunga vegna efnahagsþróunar á heimsvísu, sveiflna í pöntunum og tímasetningar stærri verkefna. Vinsamlegast athugið að tilkynning þessi tekur aðeins til helstu þátta uppgjörsins en uppgjörstilkynning í fullri lengd á ensku er aðgengileg á heimasíðu Marel: www.marel.com/2014Q4 Þar er m.a. að finna lykiltölur og yfirlit yfir markaði félagsins. Kynningarfundur 5. febrúar 2015 Marel boðar til kynningarfundar um afkomu félagsins fimmtudaginn 5. febrúar kl. 8:30 í húsnæði félagsins að Austurhrauni 9, Garðabæ. Fundinum verður einnig netvarpað: www.marel.com/webcast. |
|||
|