Vátryggingafélag Íslands hf. - Fyrirtækjafréttir

VÍS - Útgáfa víkjandi skuldabréfs

Með vísan í tilkynningu félagsins þann 17. desember 2015, hefur félagið nú
gengið til samninga við Arctica Finance hf. vegna útgáfu og sölu víkjandi
skuldabréfa að nafnvirði 2.500.000.000.- kr. Stefnt er að töku skuldabréfanna
til viðskipta í Kauphöll á árinu. 

Hin nýju skuldabréf eru vaxtagreiðslubréf og bera 5,25% fasta verðtryggða
vexti. Skuldabréfin eru til 30 ára en í bréfunum er uppgreiðsluheimild og
þrepahækkun í vöxtum upp í 6,25% eftir 10 ár. 

Arctica Finance hefur nú þegar skuldbundið sig gagnvart félaginu til að kaupa
heildarvirði skuldabréfaútgáfunnar sem nemur 2.500.000.000 kr. fyrir hönd
fjárfesta.  Engu að síður mun félagið í samvinnu við Arctica Finance halda
lokað skuldabréfaútboð í þeim tilgangi að bjóða lífeyrissjóðum, verðbréfasjóðum
og öðrum fagfjárfestum að fjárfesta í skuldabréfunum.  Stefnt er að því að
útgáfudagur skuldabréfanna verði í byrjun mars 2016.