2008-08-06 17:50:49 CEST

2008-08-06 17:51:49 CEST


REGULATED INFORMATION

Islandic English
Teymi hf. - Hluthafafundir

Boðun hluthafafundar vegna tillögu um afskráningu


Hluthafafundur Teymis hf. 
14. ágúst 2008
Stjórn Teymis hf. boðar til hluthafafundarfélagsins fimmtudaginn 14. ágúst 2008
 kl. 9:00 á skrifstofu félagins að Suðurlandsbraut 18, Reykjavík. 
Á dagskrá fundarins verða eftirfarandi mál;

1.	Tillaga um að stjórn félagsins verði falið að óska eftir afskráningu
hlutabréfa félagsins úr kauphöllinni OMX Nordic Exchange á Íslandi. 

2.	Tillaga um að stjórn félagsins verði falið að kaupa hluti þeirra hluthafa í
félaginu er þess óska. Greitt verði fyrir hlutina með hlutum í Alfesca hf.
Tilboðið standi frá kl. 9:00 föstudaginn 15. ágúst 2008 til kl. 16.00
föstudaginn 29. ágúst 2008. Gengi hlutabréfa í Teymi hf. við kaupin skal vera
kr. 1,90 fyrir hvern hlut. Gengi hlutabréfa í Alfesca hf. skal vera kr. 6,96
fyrir hvern hlut. Þannig fær hver hluthafi er tekur tilboðinu 0,2729885 hluti í
Alfesca hf. fyrir hvern hlut í Teymi hf. 

3.	Tillaga um að stjórn félagsins verði heimilað í tengslum við framangreind
kaup á hlutabréfum í Teymi hf. að kaupa allt að 22% eigin hluta fyrir kr. 1,90
hvern hlut, þrátt fyrir ákvæði 2.02 í samþykktum félagsins.  Heimildin skal
gilda til og með 30. september 2008. Verði eigin hlutir í eigu félagsins umfram
10% af hlutafénu eftir viðskiptin skal stjórn félagsins lækka hlutafé
félagsins, í samræmi við ákvæði laga um hlutafélög, þannig að eigin hlutir
eftir slíka hlutafjárlækkun verði ekki umfram 10% af hlutafénu. 

4.	Tillaga um að stjórn félagsins verði heimilað, í því skyni að mæta
framangreindum kaupum á hlutum í Teymi hf. að kaupa allt að 212.000.000 hluti í
Alfesca hf. fyrir kr. 6,96 hvern hlut og greiða fyrir með lántöku. 

5.	Önnur mál löglega fram borin. 

Fundargögn, þ.m.t. tillögur stjórnar ásamt greinargerð, liggja frammi  á
skrifstofu Teymis hf. frá og með fimmtudeginum 7. ágúst 2008. Gögnin eru
ennfremur aðgengileg á heimasíðu félagsins, www.teymi.is. Atkvæðaseðlar og
önnur fundargögn verða afhentir á fundarstað frá kl. 8:00.