N1 hf. - Fyrirtækjafréttir

N1 hf: Afkoma N1 hf. fyrir árið 2013

Helstu niðurstöður

  * Rekstrartekjur 58.122 m.kr.
  * Rekstrarhagnaður fyrir afskriftir 1.783 m.kr.
  * Rekstrarhagnaður fyrir afskriftir án einskiptiskostnaðar vegna skráningar á
    markað og sölu Bílanausts 2.155 m.kr.

      * Heildarhagnaður ársins 637 m.kr.
      * Eiginfjárhlutfall 56,5%
      * Birgðir og viðskiptakröfur lækka um 2.696 m.kr. frá fyrra ári
      * Viðskipti með hlutabréf í N1 hófust 19. desember 2013

Tíðindi úr rekstri ársins 2013

Rekstur  Bílanausts var  skilinn frá  rekstri félagsins  í byrjun  ársins og var
félagið  selt í maí 2013. Salan einfaldar vöruframboð N1 og minnkar fjárbindingu
í  birgðum  og  viðskiptakröfum  hjá  félaginu,  en  sölunni  fylgdi  töluverður
einskiptiskostnaður á árinu 2013.

Nýtt vöruhús í Klettagörðum 13 var tekið í notkun á árinu þar sem félagið flutti
alla   lagerstarfsemi  á  einn  stað  en  hún  var  áður  á  nokkrum  stöðum   á
höfuðborgarsvæðinu. Ný og endurbætt þjónustustöð N1 í Borgarnesi var opnuð í maí
2013.

Félagið  endurfjármagnaði  öll  langtímalán  á  þriðja  ársfjórðungi  sem lækkar
vaxtakostnað  til framtíðar en samhliða því samdi félagið um aðgengi á lánalínum
sem styður við árstíðarbunda sveiflu í rekstrinum.

Hlutabréf  í N1 voru tekin til viðskipta á NASDAQ OMX Iceland 19. desember 2013
að  undangengnu almennu útboði á  28% hlut Framtakssjóðs Íslands og Íslandsbanka
hf.  Þátttaka í  útboðinu var  góð og  ljóst að  áhugi fjárfesta  á félaginu var
mikill.

Rekstrarreikningur - einskiptisliðir lita afkomu ársins

Rekstrartekjur N1 hf. á árinu 2013 voru 58.122 m.kr. samanborið við 60.061 m.kr.
á   árinu  2012. Rekstrarhagnaður  fyrir  afskriftir  (EBITDA)  nam  1.783 m.kr.
samanborið  við 2.650 m.kr.  á fyrra  ári. Heildarhagnaður  ársins nam 637 m.kr.
samanborið við 1.191 m.kr. á árinu 2012.

Mikill  kostnaður féll  til á  árinu vegna  einskiptisliða. Þannig  er bókfærður
kostnaður  vegna skráningar  félagins og  sölu Bílanausts  372 m.kr. Þetta litar
einkum afkomu fjórða ársfjórðungs.

Efnahagur - nettóstaða vaxtaberandi skulda jákvæð um 1,6 ma.kr.

Bókfært  verð eigna félagsins þann 31. desember 2013 nam 26.798 m.kr. samanborið
við  27.769 m.kr. í árslok 2012. Lækkunina má aðallega rekja til minni birgða og
lægri  stöðu viðskiptakrafna.  Eigið fé  nam 15.152 m.kr.  en var 14.514 m.kr. í
upphafi  ársins.  Eiginfjárhlutfall  var  56,5% þann  31. desember  2013 og námu
heildarskuldir og skuldbindingar 11.647 m.kr. á sama tíma.

Vaxtaberandi  skuldir við  lánastofnanir og  tengda aðila  námu 7.064 m.kr. þann
31. desember 2013.

Handbært   fé   og   skuldabréfaeign  nam  6.040 m.kr.  í  lok  ársins.  Eign  í
hlutdeildarfélögum,  öðrum félögum og  kröfur á tengda  aðila ásamt fasteigninni
Bíldshöfða 9, sem haldið er til sölu, námu 2.672 m.kr.

Staða vaxtaberandi skulda að frádregnum ofangreindum eignum er neikvæð um 1.648
m.kr.

Sjóðstreymi

Handbært   fé  frá rekstri  nam  4.543 m.kr.,  samanborið  við  2.540 m.kr. árið
áður. Aukninguna   má   að   stórum   hluta   rekja   til   lækkunar  birgða  og
viðskiptakrafna, samtals  að  fjárhæð  2.696 m.kr. Fjárfestingarhreyfingar, þ.e.
keyptir rekstrarfjármunir að frádregnum þeim seldu, voru jákvæðar um 491 m.kr. á
árinu    2013. Skýrist    þetta   að   mestu   af   innheimtu   á   söluandvirði
fasteignarinnar að Klettagörðum 13 í ársbyrjun, en sú eign var keypt og að hluta
greidd  árið  áður,  og  sölu  á  Bílanausti  í maí. Fjárfestingahreyfingar voru
neikvæðar  um 1.045 m.kr.  á árinu  2012. Fjármögnunarhreyfingar, þ.e. greiðslur
afborgana  og vaxta langtímalána, námu 1.522 m.kr., samanborið við 1.179 m.kr. á
árinu 2012. Muninn má rekja til niðurgreiðslu lána að fjárhæð 890 m.kr. samhliða
endurfjármögnun langtímalána, en afborganir árið 2012 námu 567 m.kr. Handbært fé
N1  jókst því  um 3.512 m.kr.  á árinu, samanborið  við 316 m.kr. aukningu árinu
2012, og nam 6.019 m.kr. í árslok 2013.

Aðalfundur og tillaga um arðgreiðslu

Aðalfundur  N1 verður  haldinn 27. mars  2014 kl. 16:00. Stjórn félagsins leggur
til   við  aðalfund  að  greiddur  verði  arður  að  fjárhæð  1.650 m.kr.  Eftir
fjárhagslega  endurskipulagningu  2011 hefur  arðgreiðslubann  verið  í gildi en
tillaga þessi er samkvæmt núverandi stefnu um eiginfjárstýringu.

Nánari  upplýsingar veita Eggert Benedikt Guðmundsson, forstjóri, (ebg@n1.is) og
Eggert Þór Kristófersson, framkvæmdastjóri fjármálasviðs, (eggert@n1.is).


[HUG#1764937]

Attachments:

N1 hf - Afkomutilkynning 2013.pdf

N1 hf - Ársreikningur 2013.pdf

N1 hf - Financial Statements 2013.pdf