Skeljungur hf. - Niðurstöður hluthafafundar

Skeljungur: Niðurstöður aðalfundar 2017

Fimmtudaginn 16. mars 2017 var aðalfundur Skeljungs hf. haldinn á Hótel Hilton
Reykjavík Nordica. Fundurinn hófst kl. 16.00.

Tillögur þær sem lágu fyrir fundinum má finna á heimasíðu félagsins:
https://www.skeljungur.is/um-skeljung/fjarfestar/.



 1. Ársreikningur félagsins fyrir liðið starfsár

Aðalfundur samþykkti ársreikning félagsins vegna ársins 2016.


2. Ráðstöfun hagnaðar félagsins á reikningsárinu

Tillaga stjórnar um að enginn arður yrði greiddur út var samþykkt.


3. Breytingar á samþykktum

Tillögur stjórnar fólu að meginstefnu í sér tiltekt í texta og tillögu um að
ekki yrði lengur varastjórn við félagið. Breytingatillaga kom fram frá Gildi
lífeyrissjóði, þess efnis að gengið yrði skemur í styttingu á texta 8. gr.
samþykktanna, þannig að texti, um að heimild til handa stjórn til kaupa á eigin
hlutafé yrði ekki til lengri tíma en til 18 mánaða hverju sinni, héldi sér.
Tillagan var samþykkt.

Aðalfundur samþykkti að öðru leyti framlagðar tillögur að breytingum á
samþykktum félagsins.



4. Starfskjarastefna

Tillaga að starfskjarastefnu var samþykkt.



5. Þóknun stjórnarmanna, undirnefnda og endurskoðanda

Tillaga um kjör stjórnarmanna, undirnefnda og endurskoðanda var samþykkt.



6. Breyting á starfsreglum tilnefningarnefndar

Aðalfundur samþykkti tillögu tilnefningarnefndar um breytingu á starfsreglum
nefndarinnar.



7. Kjör stjórnarmanna félagsins

Eftirtaldir aðilar gáfu kost á sér í aðalstjórn félagsins og voru þau
sjálfkjörin:

Birna Ósk Einarsdóttir
Gunn Ellefsen
Jens Meinhard Rasmussen
Jón Diðrik Jónsson
Trausti Jónsson



8. Kjör tilnefningarnefndar

Eftirtaldir aðilar gáfu kost á sér til setu í tilnefningarnefnd félagsins og
voru þau sjálfkjörin:

Katrín S. Óladóttir
Trausti Fannar Valsson



9. Kjör endurskoðanda

Aðalfundur samþykkti að Reynir Stefán Gylfason, KPMG, yrði endurkjörinn
endurskoðandi félagsins.



10. Önnur mál

Engin önnur mál voru löglega upp borin á fundinum og var honum slitið kl. 17.11.



                         *             *             *



Eftir aðalfund var haldinn stjórnarfundur, þar sem stjórn skipti með sér verkum.

Jón Diðrik Jónsson var kjörinn til áframhaldandi stjórnarformennsku. Til
áframhaldandi varaformennsku var kjörinn Trausti Jónsson.

Í endurskoðunarnefnd tóku sæti Helena Hilmarsdóttir, Trausti Jónsson og Jens
Meinhard Rasmussen. Í starfskjaranefnd tóku sæti Jón Diðrik Jónsson og Birna Ósk
Einarsdóttir. Þá var Jón Diðrik Jónsson tilnefndur til setu af hálfu stjórnar í
tilnefningarnefnd.



Nánari upplýsingar veitir Ingunn Agnes Kro, regluvörður, s: 840-3026, tölvup.
regluvordur@skeljungur.is.


[]