Reitir II ehf. - Ársreikningur

Afkoma Reita II ehf. á fyrri árshelmingi 2015

Hagnaður Reita II ehf. á fyrri helmingi ársins 2015 nam 776 milljónum króna
samanborið við 63 milljóna króna hagnað á sama tímabili árið áður.
Rekstrarhagnaður félagsins á tímabilinu nam 628 milljónum króna samanborið við
598 milljónir króna árið áður. Matsbreyting fjárfestingareigna Reita II á
fyrstu sex mánuðum ársins var 369 milljónir en hún var 293 milljónir króna á
sama tíma árið áður. Breytingu á afkomu félagsins má að miklu leyti rekja til
lægri fjármagskostnaðar í kjölfar fjárhagslegrar endurskipulagningar
samstæðunnar. Hrein fjármagnsgjöld voru 33 milljónir króna á fyrri árshelmingi
2015 en voru 816 milljónir á sama tímabili árið 2014. Í lok júní 2015 var eigið
fé Reita II 20.118 milljónir króna en það var 19.342 milljónir króna í árslok
2014. 

Lykiltölur:

  -- Heildareignir námu 21.801 milljónum króna þann 30. júní 2015.
  -- Eigið fé félagsins nam 20.118 milljónum króna á sama tíma.
  -- Rekstrartekjur fyrri árshelmings námu 903 milljónum króna samanborið við
     867 milljónir króna á sama tímabili árið áður.

Reitir II ehf. er eitt af 10 dótturfélögum í 100% eigu Reita fasteignafélags
hf. Upplýsingar um afkomu móðurfélagsins, Reita fasteignafélags, má finna á
www.reitir.is. 

Nánari upplýsingar veitir Einar Þorsteinsson fjármálastjóri í síma 575 9000 eða
669 4416 (einar@reitir.is).

Attachments:

Reitir II ehf. 30.06.2015 Arshlutareikningur.pdf