Kaldalón hf. - Other information disclosed according to the rules of the Exchange

Kaldalón hf.: Útgáfa skuldabréfa með stækkun á skuldabréfaflokki KALD 150234

Kaldalón hf. hefur lokið við að stækka skuldabréfaflokkinn KALD 150234, sem gefinn er út undir 30.000 milljóna króna útgáfuramma félagsins.

Kaldalón hf. seldi 1.860 milljónir króna, í skuldabréfaflokknum KALD 150234, á 4,10% ávöxtunarkröfu.  Áður útgefið í skuldabréfaflokknum var 3.140 milljónir króna. Heildarstærð flokksins verður því 5.000 milljónir króna.

Skuldabréfaflokkurinn KALD 150234 er verðtryggður á föstum 4% ársvöxtum, til 10 ára en endurgreiðsluferli afborgana og vaxta fylgir 30 ára jafngreiðsluferli. Skuldabréfaflokkurinn er veðtryggður samkvæmt almennu tryggingarfyrirkomulagi og er nú þegar skráður til viðskipta á Aðalmarkaði Nasdaq Iceland.

Áætlaður greiðslu- og uppgjörsdagur er fyrirhugaður föstudaginn 24. maí 2024. Afrakstri skuldabréfaútboðsins verður varið til endurfjármögnun skulda félagsins.

Landsbankinn hf. hafði umsjón með útgáfu og sölu skuldabréfanna sem og töku stækkunarinnar til viðskipta á Aðalmarkað Nasdaq Iceland. Salan var framkvæmd í lokuðu útboði (e. private placement).

Grunnlýsing og viðauki við grunnlýsinguna hafa verið birt í tengslum við útgáfuramma félagsins. Grunnlýsing útgáfuramma, endanlegir skilmálar og önnur skjöl er varða útgáfu skuldabréfaflokksins og töku skuldabréfanna til viðskipta í Kauphöll verða birt á vefsíðu félagsins; https://kaldalon.is/fjarfestar/.

Nánari upplýsingar veita

Sigurbjörg Ólafsdóttir, fjármálastjóri Kaldalóns hf., sigurbjorg.olafsdottir@kaldalon.is

Gunnar S. Tryggvason, Verðbréfamiðlun Landsbankans hf., í síma 821 2090 eða gunnars@landsbankinn.is