2016-11-30 18:24:20 CET

2016-11-30 18:24:20 CET


REGLAMENTUOJAMA INFORMACIJA

Islandų
HB Grandi hf. - Ársreikningur

Uppgjör HB Granda hf. á þriðja ársfjórðungi 2016 


  -- Rekstrartekjur samstæðunnar á þriðja árfjórðungi voru 57,2 m€ og 152,5 m€ á
     fyrstu níu mánuðum ársins
(3F 2015: 56
,2
 m€, fyrstu níu mánuðum 2015: 166,6 m€)
  -- EBITDA nam 19,2 m€ á þriðja ársfjórðungi og 40,1 m€ á fyrstu níu mánuðum
     ársins (3F 2015: 15,6 m€, fyrstu níu mánuðum ársins 2015: 46,9 m€)
  -- Hagnaður á þriðja ársfjórðungi var 12,7 m€ og á fyrstu níu mánuðum ársins
     25,2 m€ (3F 2015: 9,1 m€, fyrstu níu mánuði 2015: 31,2 m€)
  -- Handbært fé frá rekstri nam 14,5 m€ á fyrstu níu mánuðum ársins (fyrstu níu
     mánuðir árins 2015: 26,6 m€)



Rekstur fyrstu níu mánaða ársins 2016

Rekstrartekjur HB Granda hf. á fyrstu níu mánuðum ársins 2016 námu 152,5 m€,
samanborið við 166,6 m€ árið áður.  Rekstrarhagnaður fyrir afskriftir (EBITDA)
var 40,1 m€ eða 26,3% af rekstrartekjum, en var 46,9 m€ eða 28,2% árið áður. 
Áhrif fjáreignatekna og fjármagnsgjalda voru neikvæð um 1,9 m€, en voru neikvæð
um 1,2 m€ á sama tíma árið áður.  Áhrif hlutdeildarfélags voru jákvæð um 3,0
m€, en voru neikvæð um 2,9 m€ árið áður.  Hagnaður fyrir tekjuskatt var 30,1 m€
og hagnaður tímabilsins var 25,2 m€. 

Efnahagur

Heildareignir félagsins námu 457,7 m€ í lok september 2016. Þar af voru
fastafjármunir 365,9 m€ og veltufjármunir 91,8 m€.  Eigið fé nam 249,2 m€,
eiginfjárhlutfall í lok september var 54,4%, en var 62,2% í lok árs 2015.
Heildarskuldir félagsins voru í septemberlok 208,5 m€. 

Sjóðstreymi

Handbært fé frá rekstri nam 14,5 m€ á tímabilinu, en nam 26,6 m€ á sama tíma
fyrra árs.  Fjárfestingarhreyfingar námu 48,5 m€.  Fjármögnunarhreyfingar voru
jákvæðar um 34,0 m€.  Handbært fé í lok september var því 11,2 m€ sem er það
sama og í árslok 2015. 

Meginniðurstöður færðar til íslenskra króna

Séu niðurstöður rekstrarreiknings reiknaðar til íslenskra króna á meðalgengi
fyrstu níu mánaða árins 2016 (1 evra = 137,18 kr) verða tekjur 20,9 milljarðar
króna, EBITDA 5,5 milljarður og hagnaður 3,5 milljarðar.  Séu niðurstöður
efnahagsreiknings reiknaðar til íslenskra króna á gengi 30. september 2016 (1
evra = 127,52 kr) verða eignir samtals 58,4 milljarðar króna, skuldir 26,6
milljarðar og eigið fé 31,8 milljarðar. 

Skipastóll og afli

Skipafloti félagsins var óbreyttur frá áramótum.

Á fyrstu níu mánuðum ársins 2016 var afli skipa félagsins 37 þúsund tonn af
botnfiski og 80 þúsund tonn af uppsjávarfiski. 

Kynningarfundur þann 1. desember 2016

Opinn kynningarfundur um afkomu félagsins á þriðja ársfjórðungi verður haldinn
fimmtudaginn 1. desember klukkan 8:30 í höfuðstöðvum félagsins að Norðurgarði
1. Vilhjálmur Vilhjálmsson forstjóri mun kynna uppgjörið og svara spurningum.