HS Veitur hf. - Fyrirtækjafréttir

LEIÐRÉTTING: HS Veitur hf. Endurfjármögnun Frétt birt 16.4.2013 kl. 17:57:34

Leiðrétting á viðhengi með fréttatilkynningu HS Veitna hf. frá 15. apríl 2013.



Í viðhengi með fréttatilkynningu HS Veitna hf., sem birt var í fréttakerfi
NASDAQ OMX Iceland hf. þann 15. apríl 2013, kemur ranglega fram að fyrsti
vaxtadagur HSVE 13 01 sé 15. desember 2013. Hið rétta er að fyrsti vaxtadagur
verður 18. apríl 2013. 

Í viðhengi eru skilmálar HSVE 13 01 þar sem ofangreind villa hefur verið
leiðrétt. 



Seinni leiðrétting.

Í viðhengi með fréttatilkynningu HS Veitna hf., sem birt var í fréttakerfi
NASDAQ OMX Iceland hf. þann 15. apríl 2013 og leiðrétt þann 16. apríl 2013,
vantaði hluta af skilmálum HSVE 13 01. 

Í viðhengi eru skilmálar HSVE 13 01 þar sem eftirfarandi breytingar hafa verið
gerðar: 

Kafli 2.2 Fyrsti gjalddagi vaxta. Bætt var við setningu við fyrstu málsgrein,
auk þess sem annarri málsgrein var bætt við. 

Kafli 2.2 á eftir kaflanum Gjaldmiðill hefur verið bætt við eftirfarandi
köflum: Tilgangur útgáfu skuldabréfaflokksins, Eftirlitsaðili, Hlutverk
eftirlitsaðila, Útreikningsaðili, Skráning flokksins. 

Í kafla 2.2 á eftir kaflanum Gjaldfellingarákvæði hefur verið bætt við
eftirfarandi köflum: Veðsetning eigna, Takmörkun á vaxtaberandi skuldum,
Prófunardagar, Jafn réttháar kröfur, Breyting á starfsemi útgefanda,
Arðgreiðslur, Upplýsingaöflun. 





HS Veitur hf. Endurfjármögnun

Stjórn HS Veitna hf. hefur ásamt Deloitte Fjármálaráðgjöf ehf. unnið að
endurfjármögnun skuldabréfalokks HS Veitna hf., HSVE 08 01 sem skráður er á
NASDAQ OMX Iceland hf. Tilgangur endurfjármögnunarinnar er að afborgunarferli
skuldabréfa útgefnum af HS Veitum hf. falli betur að rekstri  félagsins. 

Í fréttatilkynningu HS Veitna hf. sem birt var í fréttakerfi NASDAQ OMX Iceland
hf. þann 11. desember 2012, voru skuldabréfaeigendur í flokknum HSVE 08 01
hvattir til þess að hafa samband við Deloitte fjármálaráðgjöf ehf. til að
nálgast tilboðsdrög. Eftir að hafa fengið viðbrögð skuldabréfaeigenda hefur
stjórn HS Veitna hf. ákveðið að gefa út nýjan skuldabréfaflokk HSVE 13 01 sem
sótt verður um að tekinn verði til viðskipta hjá NASDAQ OMX Iceland hf. fyrir
árslok 2013. 

HS Veitur hf. bjóða öllum eigendum skuldabréfaflokksins HSVE 08 01 að kaupa í
nýjum skuldabréfaflokki HSVE 13 01 og greiða fyrir með HSVE 08 01. HS Veitur
hf. bjóðast til að kaupa HSVE 08 01 miðað við uppreiknað nafnverð flokksins
þann 18. apríl 2013 ásamt áföllnum vöxtum frá 15. desember 2012-17. apríl 2013,
sem hefur í för með sér að fyrir hverja eina krónu nafnverðs í HSVE 08 01 fá
skuldabréfaeigendur 1,3955 krónur að nafnverði í HSVE 13 01. 

HSVE 13 01 eru jafngreiðslubréf, verðtryggð með neysluverðsvísitölu til 20 ára.
Þau bera fasta 3,75% ársvexti. Höfuðstóll og vextir greiðast með 40 jöfnum
greiðslum (e. annuity) í fyrsta sinn 15. desember 2013 og á sex mánaða fresti
þar á eftir. Nánari skilmála HSVE 13 01 er að finna í viðhengi. 

Stjórn HS Veitna hf. hefur gert það að skilyrði fyrir útgáfu nýja
skuldabréfaflokksins að eigendur a.m.k. 67,5% skuldabréfaflokksins HSVE 08 01
gangi að tilboðinu. 

Markaðsviðskipti Landsbankans munu sjá um framkvæmd skiptanna og er
skuldabréfaeigendum sem eiga bréf í flokki HSVE 08 01 bent á að hafa samband
við Markaðsviðskipti Landsbankans í síma 410 7330. Óskað verður eftir afstöðu
skuldabréfaeigenda HSVE 08 01 til skiptanna fyrir klukkan 15:00 miðvikudaginn
17. apríl 2013. Útgáfa HSVE 13 01 mun miðast við fimmtudaginn 18. apríl 2013. 

Tilkynnt verður um niðurstöðu tilboðsins eftir lokun markaða þann 18. apríl
2013. 



Nánari upplýsingar veitir:

Júlíus Jónsson, forstjóri HS Veitna hf. s. 422-5200

Attachments:

Leirett utgafulysing skuldabrefs HSVE 13 01.pdf