Vátryggingafélag Íslands hf. - Fyrirtækjafréttir

Stefnt að útgáfu víkjandi skuldabréfs.

Eins og fram kom í tilkynningu félagsins til markaðarins þann 27. ágúst sl., í
tengslum við árshlutauppgjör þess, ákvað stjórn félagsins að ekki yrði á þeim
tímapunkti farið í útgáfu á víkjandi skuldabréfi, en að lagt yrði mat á
fýsileika útgáfu með reglulegum hætti. 

Á fundi sínum í dag ákvað stjórn að stefnt yrði að útgáfu víkjandi skuldabréfs.
Greining hefur farið fram á hagkvæmustu fjármagnsskipan félagsins með tilliti
til nýrra gjaldþolsreglna samkvæmt Solvency II og er því stefnt að útgáfu
víkjandi skuldabréfs fyrir allt að 2.500 m.kr. á árinu 2016, náist ásættanleg
kjör. Útgáfan mun tilheyra eiginfjárþætti 2 (Tier 2) sem miðar að því að gera
fjármagnsskipan félagsins sem hagkvæmasta. Félagið mun afla sér ráðgjafar í
tengslum við útgáfu og sölu skuldabréfsins en stefnt er að skráningu þess í
Kauphöll.