|
|||
2010-12-07 17:42:02 CET 2010-12-07 17:43:00 CET REGULATED INFORMATION Skipti hf. - Ársreikningur9 mánaða uppgjör Skipta hf.7. desember, 2010 Afkoma Skipta hf. á fyrstu 9 mánuðum 2010 - Hagnaður nam 4,4 milljörðum króna •Sala nam 26,9 milljörðum króna samanborið við 29,8 milljarða á sama tímabili árið áður. •Hagnaður Skipta á fyrstu 9 mánuðum ársins nam 4,4 milljörðum króna sem skýrist einkum af söluhagnaði vegna sölu á erlendum eignum og gengisþróun íslensku krónunnar. Tap á sama tímabili árið 2009 var 1,6 milljarðar króna. •Rekstrarhagnaður fyrir afskriftir og fjármagnsliði (EBITDA) nam 5,1 milljörðum króna samanborið við 7,1 milljarð fyrir sama tímabil 2009. EBITDA hlutfall var 19%. •Handbært fé frá rekstri án vaxta og skatta nam 5,3 milljörðum króna samanborið við 7,1 milljarða á sama tímabili árið áður. Eftir vexti og skatta nam handbært fé frá rekstri 3,1 milljarði króna. •Fjármagnsliðir voru jákvæðir um 2,4 milljarða króna og þar af nemur gengishagnaður 1,3 milljörðum króna. •Vaxtaberandi skuldir að frádregnum innistæðum (nettó vaxtaberandi skuldir) námu 43,5 milljörðum króna við lok tímabilsins en voru 52,8 milljarðar á sama tíma ári áður og hafa því lækkað um 9,3 milljarða króna. •Eigið fé Skipta er 29,2 milljarðar króna og eiginfjárhlutfall er 26%. •Skipti hf. hafa í öllum meginatriðum lokið samningum við lánardrottna félagsins og er vinna við skjalagerð á lokastigi. Í samkomulaginu felst meðal annars að Skipti greiða niður alls um 19 milljarða króna af lánum félagsins. Eftir að sú greiðsla hefur verið innt af hendi fer eiginfjárhlutfall Skipta í um 31%. •Skipti hafa selt Já upplýsingaveitur. Söluhagnaður Skipta af viðskiptunum nemur um 1,3 milljörðum króna sem mun færast til bókar á fjórða ársfjórðungi 2010. Greitt er fyrir hlutinn með reiðufé. Þegar Skipti hafa greitt afrakstur sölunnar inn á lán félagsins mun eiginfjarhlutfall Skipta verða um 33%. Helstu niðurstöður í rekstri fyrstu níu mánuði ársins 2010 Reikningsskilaaðferðir Hér er um óendurskoðað uppgjör að ræða. Reikningsskilaaðferðir eru þær sömu og beitt var við gerð ársreiknings 31. desember 2009 og árshlutareiknings ársins 2010. Sirius IT er inni í bókum Skipta til 22. júlí 2010 þegar lokið var við sölu félagsins en Sirius IT var inni í bókum Skipta allt tímabilið 2009. Rekstur Salan á fyrstu 9 mánuðum árs 2010 nam 26.903 m.kr. samanborið við 29.814 m.kr. á sama tímabili árið áður, sem er 9,8% samdráttur. Rekstur Sirius IT er inni í bókum félagsins til 22.júlí 2010 en var inni allt árið í fyrra. Þá var rekstur Aerofone í Bretlandi í bókum 2009 en ekki 2010. Rekstrarhagnaður samstæðunnar fyrir afskriftir (EBITDA) var 5.113 m.kr. miðað við 7.069 m.kr. á sama tímabili árið áður. EBITDA hlutfallið er nú 18,8% samanborið við 23,3 % á sama tímabili árið áður.. Rekstrarhagnaður fyrir fjármagnsliði og skatta (EBIT), án virðisrýrnunar, nam 2.092 m.kr. samanborið við 4.115 m.kr. á sama tímabili árið áður. Afskriftir félagsins námu 3.022 m.kr. á fyrstu 9 mánuðum ársins samanborið við 3.668 m.kr. fyrir sama tímabil 2009. Á árinu 2009 nam gjaldfærsla vegna virðisrýrnunar eigna 715 m.kr. á tímabilinu. Hagnaður samstæðunnar eftir skatta nam 4.347 m.kr. samanborið við 1.637 m.kr. tap á sama tímabili 2009. Hagnaðurinn nú skýrist einkum af söluhagnaði vegna sölu á norræna upplýsingatæknifyrirtækinu Sirius IT og gengisþróun íslensku krónunnar á tímabilinu. Sjóðstreymi Handbært fé frá rekstri án vaxta og skatta var 5.264 m.kr. yfir tímabilið. Á sama tímabili í fyrra var handbært fé frá rekstri án vaxta og skatta 7.090 m.kr. Fjárfestingar samstæðunnar í varanlegum rekstrarfjármunum (CAPEX) námu 2.158 m.kr. á tímabilinu en námu 2.228 m.kr. fyrir sama tímabil 2009. Efnahagur Heildareignir samstæðunnar námu 112.672 m.kr. 30.september 2010 og minnkuðu eignir um tæp 7 % eða um 8.025 m.kr. frá 31.12.2009. Eigið fé félagsins nam 29.200 m.kr. í lok tímabilsins og eiginfjárhlutfall var 25,9 %. Nánari upplýsingar um uppgjörið veita: Brynjólfur Bjarnason, forstjóri, sími 550-6003. Pétur Þ. Óskarsson, framkvæmdastjóri Samskiptasviðs, sími 863-6075. Um Skipti hf. Skipti reka fyrirtæki sem starfa einkum á sviði fjarskipta og upplýsingatækni, á Íslandi og erlendis. Hlutverk Skipta er að sinna sameiginlegri þjónustu fyrirtækjanna á einum stað, með hagræði og sveigjanleika að leiðarljósi. Þannig skapar Skipti stjórnendum og starfsfólki dótturfélaganna svigrúm til þess að einbeita kröftum sínum að því að ná hámarksárangri í krefjandi rekstrarumhverfi. Innan samstæðunnar eru Síminn, Míla, Já (selt í nóvember 2010) Skjárinn, Sensa, Tæknivörur, Staki, On-Waves og Radiomiðun. Erlendis rekur Skipti fjarskiptafélagið Síminn Danmark í Danmörku. |
|||
|